PARSIAJARAN 4
Gabe Mambunu Alani Muruk
Dung kaluar si Adam dohot si Hawa sian taman Eden, godang do gelleng nasida. Na siangkangan, goarna si Kain. Martani do karejona. Na paduahon, si Abel. Marmahan do karejona.
Di sada tingki, dibahen si Kain dohot si Abel ma pelean manang persembahan tu Jahowa. Diboto ho do aha persembahan i? Persembahan, i ma na talehon tu Jahowa. Lomo do roha ni Jahowa tu persembahan ni si Abel. Alai ndang lomo rohana tu persembahan ni si Kain. Gabe muruk ma si Kain. Dipasingot Jahowa ma ibana. Molo sai muruk si Kain, boi do ibana gabe mangulahon na jahat. Alai, ndang ditangihon si Kain Jahowa.
Didok si Kain ma tu si Abel, ‘Beta tu ladang.’ Ala holan nasida do di ladang i, dibunu si Kain ma adekna si Abel. Songon dia do dibahen Jahowa tu na masa on? Diuhum Jahowa ma si Kain. Diusir ma ibana dao sian keluargana. Ndang boi be ibana mulak.
Aha do parsiajaranna tu hita? Olo do ra hita muruk ala ndang saut na di rohanta. Molo muruk hita jala adong na pasingothon, ingkon muba do hita jala unang be sai muruk.
Dihaholongi si Abel do Jahowa jala sai angka na denggan do diulahon ibana. Alani i, tongtong do Jahowa mangingot si Abel. Laho dipahehe Debata ma muse si Abel di paradeiso.
“Laho ma ho mardame dohot donganmi. Dung pe i, asa ro ho muse pasahathon silehon-lehonmi.”—Mateus 5:24
Mungkin Lomo do Rohamuna Mamboto
TIRU MA HAPORSEAON NI NASIDA
Si Abel—”Marsoara Dope Ibana, Atik Pe Naung Mate”
Aha do na boi taparsiajari sian si Abel dohot sian haporseaonna, hape holan saotik do hatorangan taringot tu ibana di Bibel?
