Kata Pengantar tu Bagian 6
Dung sahat bangso Israel tu Tano na Dijanjihon, di tabernakel ma nasida manomba Debata. Diajarhon angka malim do tu nasida Patik jala ditogu-togu angka hakim do bangso i. Ingkon sai disomba bangso Israel do Jahowa jala dihaholongi donganna. Di bagian on dipaboa ma, na diulahon jala na dipillit sasahalak boi do marlaba tu na asing. Paboa ma gabe sitiruon do si Debora, si Naomi, si Josua, si Hanna, dohot boru ni si Jepta. Jala paboa ma adong do halak sian bangso na asing na olo mangihuthon bangso Israel ala diurupi Debata bangso Israel. Misalna si Rahab, si Rut, si Jael, dohot halak Gibeon.
DI BAGIAN ON
PARSIAJARAN 29
Jahowa Mamillit Si Josua
Dilehon Debata do tu si Josua parenta na boi mangurupi hita saonari.
PARSIAJARAN 30
Si Rahab Manabunihon Mata-Mata
Dihancurhon do tembok ni kota Jeriko. Alai ndang sega jabu ni si Rahab, nang pe di tembok ni Jeriko jabu i dibahen.
PARSIAJARAN 31
Si Josua dohot Halak Gibeon
Martangiang ma si Josua tu Debata, “Mataniari, hot ma ho!” Dialusi Debata do tangiangna i?
PARSIAJARAN 32
Sahalak Pemimpin na Baru dohot Dua Borua na Barani
Dung mate si Josua, gabe manomba angka patung ma halak Israel. Susa ma ngolu ni nasida, alai diurupi Debata ma nasida marhite si Barak, si Debora, dohot si Jael!
PARSIAJARAN 33
Si Rut dohot Si Naomi
Dua borua na mabalu mulak tu Israel. Sada sian borua i, si Rut. Laho ma ibana tu ladang ni si Boas.
PARSIAJARAN 34
Ditaluhon Si Gidion ma Bangso Midian
Ala susa bangso Israel dibahen halak Midian, dipangido nasida ma asa diurupi Jahowa nasida. Songon dia do tentara ni si Gidion na saotik boi manaluhon 135.000 tentara ni musu?
PARSIAJARAN 35
Tangiang ni Si Hanna Mangido Sada Anak
Diboan si Elkana do si Hanna, si Pininna, dohot angka gellengna tu tabernakel di Silo. Martangiang ma si Hanna mangido sada anak. Dung sataon, tubu ma si Samuel!
PARSIAJARAN 36
Janji ni Si Jepta
Aha do na dijanjihon si Jepta jala boasa? Songon dia do didok boru ni si Jepta dung diboto ibana taringot janji ni bapakna?
PARSIAJARAN 37
Jahowa Mangkatai tu Si Samuel
Adong do dua anak ni si Eli na marhobas di tabernakel. Ndang diulahon nasida uhum ni Jahowa. Alai molo si Samuel ndang songon i. Di sada borngin mangkatai ma Jahowa tu si Samuel.
PARSIAJARAN 38
Dilehon Jahowa do Gogo tu Si Simson
Dilehon Jahowa do gogo tu si Simson. Alai dibahen ibana ma hasalaan, gabe boi ma ditangkup halak Palistim ibana.