1, 2. Marhasil do penganiayaan i mambahen so ulaon marbarita?

 LAM kejam do penganiayaan na dibahen tu halak Kristen. Lam “haccit’ ma dibahen si Saulus tu huria. Alani kejamna, di bahasa aslina digombarhon do ulaonna i songon binatang buas. (Ul. 8:3) Sappe lari do akka sisean ala hira marhasil do si Saulus naeng pamatehon sude halak Kristen. Alai adong do hasil na denggan alani penganiayaan on. Aha ma i?

² Nang pe marserak halak Kristen tu sude inganan, torus do nasida marbarita na uli di ingananna mangungsi. (Ul. 8:4) Nang pe adong penganiayaan, dang gabe so ulaon marbarita. Justru lam rarat do barita i. Pasti dang dirippu akka musu molo penganiayaan i mambahen lam tersebar barita na uli sahat tu inganan na dao. Jala songon i do muse na terjadi saonari.

3. (a) Ise do si Pilippus? (b) Boasa dang hea dope halak Samaria mambege barita na uli, jala aha do na didokkon Jesus sebelum nakkok ibana tu surgo?

³ Si Pilippus ma sahalak sian sisean na “marserak” i. a (Ul. 8:4; ida ma kotak “ Si Pilippus—‘Sahalak Parbarita na Uli’”.) Lari do ibana tu Samaria, penduduk ni kota i dang hea dope mambege barita na uli. Ai hea do didok Jesus tu akka apostelna, “Unang ma lao hamu tu akka bangso na asing jala unang ma masuk tu kota ni halak Samaria. Alai, holan tu halak Israel na songon biru-biru na lilu i ma hamu lao.” (Mat. 10:5, 6) Alai sebelum nakkok Jesus tu surgo didok ibana do muse, “Paboaonmuna ma taringot tu au di Jerusalem, di sude luat na di Judea, di Samaria, sahat tu ujung ni tano on.” (Ul. 1:8) Jadi nungnga dipaboa Jesus hian na lao sahat do barita na uli tu halak Samaria.

4. Songon dia do perasaan ni halak Samaria mambege barita na uli na dipaboa si Pilippus, jala boasa songon i perasaan ni nasida?

 ⁴ Dianggap si Pilippus do halak Samaria i songon ladang ‘naung boi dipanen’. (Joh. 4:35) Pasti las do roha ni nasida mamboto barita na uli, alana saleleng on dang olo halak Jahudi mangattoi halak Samaria. Bahkan godang do na memandang rendah nasida. Alai sian barita na uli i, diboto nasida ma tu sude halak do dilean Debata harapan na denggan i. Dang dibeda-bedahon Ibana jolma, beda do i tu cara marpikkir ni halak Parise. Semangat do si Pilippus marbarita tu sude halak Samaria. Sian cara ni si Pilippus on, boi ma diida halak Samaria na so terpengaruh ibana tu cara marpikkir ni halak na memandang rendah nasida. Alani i ma didok di Bibel “sian nasa rohana” do halak Samaria manangihon si Pilippus.—Ul. 8:6.

5-7. Songon dia do barita na uli i lam rarat tu godang inganan nang pe adong penganiayaan? Paboa ma piga-piga contoh.

⁵ Songon na masa di abad na parjolo, saonari on pe dianiaya do halak Kristen. Alai dang gabe so ulaon marbarita. Adong do nasida na dipapinda tu negara na asing bahkan dipenjarahon. Alai torus do nasida marbarita tu akka halak di inganan na baru i. Misalna saleleng Perang Dunia II, gabe boi ma Saksi Jahowa marbarita di akka kamp konsentrasi Nazi. Adong ma  sahalak Jahudi na pajuppang dohot Saksi Jahowa di kamp konsentrasi i. Didok ibana, “Sabar do akka Saksi Jahowa na dipenjarahon i. Gabe pos ma rohakku molo haporseaon ni nasida i tutu do sian Bibel. On mambahen au olo gabe Saksi Jahowa.”

⁶ Di piga-piga pengalaman, gabe halak na menganiaya hita i do na olo manangihon barita na uli. Misalna tikki dipapinda donganta si Franz Desch tu kamp konsentrasi Gusen di Austria, marbarita ma ibana disi jala diurupi ma sahalak perwira Nazi marsiajar Bibel. Martaon-taon dukkon i pajuppang ma nasida di sada kebaktian ni Saksi Jahowa. Pasti las hian do roha ni nasida ala nungnga rap gabe parbarita na uli nasida na dua.

⁷ Pengalaman na sarupa terjadi do muse tu halak Kristen na ikkon lari tu luar negeri alani penganiayaan. Misalna taon 1970-an, lam tersebar do barita na uli di Mozambik ala godang do Saksi sian Malawi na ro tu negara i. Belakangan adong do tantangan tu akka dongan di Mozambik, alai torus do mardalan ulaon marbarita. Si Francisco Coana mandok, “Adong do akka dongan na sappe piga-piga hali ditakkup jala dipenjarahon alani ulaon marbarita, alai tetap do godang halak na olo manjalo barita na uli i. On paposson rohanami na diurupi Debata do ulaon on, dos songon na masa tu halak Kristen di abad na parjolo.”

8. Aha do pengaruh ni perubahan politik dohot ekonomi tu ulaonta marbarita?

⁸ Dang holan penganiayaan na mambahen barita na uli sahat tu godang inganan. Songon piga-piga taon na parpudi on, perubahan politik dohot ekonomi pe mambahen barita na uli sahat tu godang halak di marragam bahasa dohot bangso. Di piga-piga daerah, masa do porang manang krisis ekonomi. Gabe pinda ma akka halak sian i tu negara na asing jala marsiajar Bibel ma nasida di inganan na baru. Ala godang pengungsi, godang ma tong halak na marbahasa asing na porlu diurupi marsiajar Bibel. Berupaya do hamu marbarita tu akka halak na sian “bangso, suku, marga, dohot bahasa” na asing na adong di wilayahmuna?—Pgk. 7:9.

9. Ise do si Simon, jala aha do na mambahen ibana terkesan mangida si Pilippus?

⁹ Dibahen si Pilippus ma godang mukjizat di Samaria. Dipamalum ibana do na cacat jala dipalao suru-suruan na jahat. (Ul. 8:6-8) Adong ma sahalak bawa na terkesan tu mukjizat ni si Pilippus i, goarna si Simon. Datu na diparsangapi godang halak do ibana. Didok halak do ‘adong huaso na balga na sian Debata’ di ibana. Alai dung diida si Simon mukjizat na dibahen si Pilippus, diboto ibana ma na di si Pilippus i do huaso ni Debata na sasittongna. Gabe halak na porsea ma ibana. (Ul. 8:9-13) Alai dang leleng dukkon i diuji ma motif ni si Simon.

10. (a) Aha do na diulahon si Petrus dohot si Johannes di Samaria? (b) Aha do na didok si Simon dung diida ibana na diulahon si Petrus dohot si Johannes?

 ¹⁰ Tikki diboto akka apostel nga tamba godang sisean di Samaria, disuru ma si Petrus dohot si Johannes tusi. (Ida ma kotak “ Dipakke si Petrus ma Akka ‘Kucci ni Harajaon’”.) Dung sahat nasida, dibahen Apostel Petrus dohot Johannes ma tangan ni nasida tu akka sisean na baru tardidi i. Gabe digohi tondi parbadia ma nasida. b Tikki diida si Simon i, didok ibana ma, “Lehon ma tu au huaso sisongon i, asa molo hubahen tanganku tu manang ise pe, jaloon ni nasida ma tondi parbadia.” Bahkan dijanjihon si Simon do lao lehononna hepeng tu apostel i asal ma dilehon huaso i.—Ul. 8:14-19.

11. Aha do na didokkon si Petrus tu si Simon, jala boha do tanggapanna?

¹¹ Tegas do alus ni si Petrus tu si Simon. Didok ibana do, “Sai anggiat ma hancur ho rap dohot hepeng perakmi. Ai dirippu ho boi tuhoronmu silehon-lehon ni Debata marhite hepeng? Dang parsidohot ho di ulaon on, ai dang tulus roham di jolo ni Debata.” Dung i disuru si Petrus ma asa muba si Simon jala martangiang tu Debata asa diampuni ibana. Didok si Petrus do, “Martangiang ma ho tu Jahowa asa anggiat disesa dosam molo dung dipauba ho pikkiranmu na jahat i.” Nang pe sala cara marpikkir ni si Simon di tikki i, alai muba do ibana. On mambuktihon dang halak na jahat ibana. Didok ibana ma tu akka apostel i, “Tangiakkon hamu ma au tu Jahowa, asa unang masa tu au hatamuna i.”—Ul. 8:20-24.

12. Aha do arti ni “simoni”, jala ise do na terbukti mangulahon i?

 ¹² Gabe sipasingot do hata ni si Petrus i tu halak Kristen saonari. Alani na masa i, gabe adong ma istilah “simoni” lapatanna praktek jual beli jabatan, tarlumobi di bidang keagamaan. Godang do on terjadi di akka gareja na mangakku Kristen. Bahkan edisi na pasiahon sian The Encyclopædia Britannica (1878) mandok, “Sian hasil penelitian, torus do adong tindakan simoni saleleng diulahon rapat pemilihan Paus. Jala simoni na terjadi saleleng rapat on ma tindakan na paling jahat, ai terang-terangan do nasida mangulahon i jala dang maila.”

13. Songon dia do halak Kristen patuduhon na so olo nasida mangulahon simoni?

¹³ Ikkon hati-hati do halak Kristen asa unang mangulahon simoni. Misalna unang ma tacoba mambuat roha ni akka pengawas di huria marhite mangalean hadiah dohot pujian na berlebihan, asa dilehon tu hita tugas tambahan. Akka pengawas pe porlu do manat asa unang pilih kasih tu akka na di huria, manang holan mamparrohahon akka halak na mora. Situasi na dua on termasuk do tindakan simoni. Jadi sude naposo ni Jahowa ikkon berupaya do mambahen dirina na “ummetmet” di huria. Ikkon sabar do nasida paimahon tondi parbadia ni Jahowa mangalantik nasida mandapot tugas tambahan. (Luk. 9:48) Ai dang boi halak na “pasangappon diri sandiri” adong di organisasi ni Jahowa.—Poda 25:27.

14, 15. (a) Ise do pejabat Etiopia i, jala boasa boi pajuppang si Pilippus dohot ibana? (b) Songon dia do tanggapan ni pejabat Etiopia i tu barita na dipaboa si Pilippus, jala boasa keputusanna lao tardidi dang tindakan na terburu-buru? (Ida surat na di toru.)

¹⁴ Saonari diparettahon suru-suruan ni Jahowa ma si Pilippus asa lao tu dalan na sian Jerusalem tu Gasa. Mungkin sukkun-sukkun do roha ni si Pilippus marhua ibana disuru tusi. Alai taralusi ma i dung pajuppang ibana dohot sahalak sida-sida manang pejabat na sian Etiopia, na “manjaha bukku ni Panurirang Jesaya” huhut marsuara. (Ida ma kotak “ Aha do Arti ni ‘Sida-Sida’?”) Dibahen tondi parbadia ni Jahowa do asa taronjar roha ni si Pilippus ro mandapotton pejabat Etiopia i na hundul di kareta hodana.  Didokkon si Pilippus ma tu ibana, “Diattusi ho do na dijahami?” Dialusi ibana ma si Pilippus, “Sian dia ma boi huattusi i molo so adong na mangajari au?”—Ul. 8:26-31.

¹⁵ Ditogihon halak Etiopia i ma asa nakkok si Pilippus tu karetana. Pasti seru do pembahasan ni nasida. Dibahas ma ise do na didokna “biru-biru” manang ‘naposo’ na dipaboa di surirang ni si Jesaya. (Jes. 53:1-12) Ai mulai sian najolo nga marsitutu halak naeng mamboto i. Saleleng di pardalanan, dipatorang si Pilippus ma Jesus do na menggenapi surirang ni si Jesaya i. Sarupa songon halak na tardidi di ari Pentakosta 33 M, pejabat Etiopia i pe nungnga gabe proselit Jahudi. Jadi pittor diboto ibana do aha na ikkon diulahon. Didok ibana ma tu si Pilippus, “Adong do nion aek! Dang boi dope au tardidi?” Pittor tardidi ma halak Etiopia i. c (Ida ma kotak “ Tardidi di Inganan na Godang Aekna”.) Dukkon peristiwa i, diboan tondi parbadia ni Jahowa ma si Pilippus tu tempat penugasan na baru di Asdod. Torus ma ibana marbarita disi.—Ul. 8:32-40.

16, 17. Songon dia do suru-suruan berperan di ulaon marbarita?

¹⁶ Saonari pe dilean do tu halak Kristen kesempatan istimewa lao marbarita songon si Pilippus. Dipakke nasida do sude kesempatan lao marbarita, termasuk kesaksian tidak resmi songon marbarita di dalan. Jotjot do nasida pajuppang dohot halak na tulus rohana, jala dang kebetulan i. Bibel patuduhon diurupi suru-suruan do ulaon marbarita on, asa boi sahat tu “saluhut bangso, suku, marga, dohot bahasa”. (Pgk. 14:6) Nungnga disurirakkon Jesus hian taringot akka suru-suruan on. Di perumpamaan taringot eme dohot simareme-eme, dipaboa Jesus ma “akka suru-suruan” do na gabe panabi saleleng musim panen, i ma saleleng panutup ni jaman  on. Akka suru-suruan i do na “pakaluarhon sian Harajaonna sude na mambahen na asing mardosa dohot akka halak na mangalanggar patik”. (Mat. 13:37-41) Laos di tikki na sarupa, papunguon ni akka suru-suruan ma halak na ditarik Jahowa tu organisasina. Adong do sian nasida na gabe raja di Harajaon i, jala adong na dohot tu “sada punguan bolon” na sian ‘biru-biru na asing’.—Pgk. 7:9; Joh. 6:44, 65; 10:16.

¹⁷ Buktina, adong do piga-piga halak na tajuppangi tikki marbarita mandok, baru sae dope nasida martangiang mangido bantuan sian Debata sebelum ro hita. Misalna pengalaman ni dua donganta na marbarita rap dohot sahalak dakdanak. Sebenarna nungnga naeng sae hian donganta on marbarita ala nungnga siang. Alai dakdanak i sai naeng marbarita dope tu jabu na asing. Bahkan lao do ibana sahalakna jala dituktuk pintu ni jabu i. Kaluar ma sahalak borua na poso, dung i ro ma donganta na dua i muse makkatai tu borua i. Ternyata baru sae martangiang dope borua i. Dipangido ibana do tu Debata asa adong na mangurupi ibana mangattusi isi ni Bibel. Laos di tikki i dimulai ma parsiajaran Bibel.

18. Boasa dang boi sepele hita tu ulaon marbarita?

¹⁸ Sada kesempatan na istimewa do boi kerja sama dohot akka suru-suruan di ulaon marbarita. Apalagi dao do umbalga saonari ulaon marbarita on sian na sebelumna. Jadi unang ma tasepelehon kesempatan na dilehon on. Molo torus hita berupaya marbarita, tarasahon ma las ni roha ala torus tapaboa “barita na uli taringot tu Jesus”.—Ul. 8:35.