Ise do na ingkon tajangkon? Manang ise pe na ro tu parpunguan, na on dope hea ro manang naung jotjot marpungu. (Rom 15:7; Heb 13:2) Ra, adong do donganta na sian luar negeri manang halak Kristen na so aktif na on dope ro tu parpunguan di taon i. Rimangi ma molo hamu gabe nasida. Las do rohamu molo denggan hamu dijangkon? (Mat 7:12) Alani i, marsitutu ma hita laho manjangkon sude na ro andorang so parpunguan manang dung sae parpunguan. On mambahen hita masihaholongan jala parohon sangap tu Jahowa. (Mat 5:16) Tontu, ndang sai boi hita mangkatai tu sude na ro. Nang pe songon i, sude do marlas ni roha molo taulahon on. *

Tajangkon ma sude halak ndang holan tingki Borngin Parningotan, alai di tingki sadihari pe. Molo diida angka halak na baru hita masihaholongan, taronjar ma nasida mamuji Debata jala dohot tu panombaon na sintong.​—Joh 13:35.