Diboto si Jakkob do holan Jahowa na ikkon disomba, nang pe di tikki i dang adong dope dilehon Debata patik asa unang manomba gana-ganaan. (2Mus 20:3-5) Jadi dung didok Jahowa si Jakkob asa mulak tu Betel, disuru si Jakkob ma akka halak na rap dohot ibana mambolokkon sude gana-ganaan ni nasida. Dibolokkon si Jakkob ma sude gana-ganaan ni nasida i dohot akka anting-anting na mungkin dipakke gabe jimat. (1Mus 35:1-4) Las do roha ni Jahowa tu na diulahon si Jakkob i.

Saonari, songon dia do hita patuduhon na holan Jahowa na tasomba? Tapasiding ma sude gana-ganaan dohot na adong hubunganna tu akka begu. Tabolokkon ma akka barang na adong hubunganna tu ilmu gaib jala manat ma hita mamillit akka hiburan. Alani i, tasukkun ma diritta: ‘Lomo do rohakku manjaha bukku manang manonton film taringot vampir, zombie, manang akka ilmu gaib? Songon na so berbahaya do sihir, mantra, manang kutukan na dipatudu di akka hiburan na hupillit?’ Ikkon tapasiding do sude na dihagigihon Jahowa.​—Ps 97:10.

TONTON MA VIDEO “ALO HAMU MA SIBOLIS”, DUNG I ALUSI MA SUKKUN-SUKKUN ON:

• Aha do na diadopi sahalak parsiajar Bibel na margoar si Palesa?

• Molo diganggu akka begu hita, boasa ikkon tapangido pangurupion sian akka sintua?

• Asa dijaga Jahowa hita, akka barang na songon dia do na ikkon tabolokkon?

• Ujungna aha do na diulahon si Palesa?

• Molo di daerahmuna, akka ulaon aha ma na ikkon pasidingonmuna asa unang dipengaruhi begu?