BOASA RINGKOT: Digokkon angka na miniahan dohot punguan bolon do sude halak asa mambuat “aek hangoluan i ndang pola martuhor”. (Pgk 22:17) Aek i manggombarhon sude na diparade Jahowa tu angka halak na mangoloi Ibana asa malua sian dosa dohot hamatean. Marragam do hasomalan dohot haporseaon ni angka halak na tajumpangi. Alani i, ingkon tapingkirhon do boha carana asa olo nasida manangihon “barita na uli”.​—Pgk 14:6.

CARA MANGULAHON I:

• Pillit ma topik dohot ayat na menarik tu angka halak di ingananmuna. Boi do dilului hamu i sian sitiruon mamungka pangkataion, manang pangke ma topik na hea dipasahat hamu jala mura dijalo halak. Pingkirhon ma: Topik dohot ayat dia do na cocok dipasahat hamu? Barita taringot aha do na godang dihatai halak saonari? Topik dia do na menarik di angka baoa manang borua?

• Tingki marbarita, pangke ma partuturan dohot sapaan na somal di ingananmuna.​—2Kor 6:3, 4

• Ingkon tangkas do taboto sijahaon manang video na adong di Angka Alat Laho Mangajari laho mangurupi halak na olo manangihon

• Molo dihilala hamu adong angka halak di ingananmuna na mamangke piga-piga bahasa, download ma angka sijahaon dohot video di bahasa i

• Pangke ma topik na dihalomohon angka halak. (1Kor 9:19-23) Umpamana, aha ma na laho dohononmuna molo diboto hamu na marhabot ni roha do parjabu i?

TONTON MA VIDEO, DUNG I ALUSI MA SUNGKUN-SUNGKUN ON:

• Topik aha do na parjolo sahali dihatai parbarita tu parjabu i?

• Situasi aha do na masa tu parjabu i?

• Ayat dia do na pas dijahahon di situasi songon i, jala boasa?

• Songon dia do caramuna mamillit topik dohot ayat na pas tu angka halak di ingananmuna?