Jesus mandok, ”Sibasabasa do i tu hamu; antong, basabasahon hamu ma i!” (Mat 10:8) Taihuthon do tudutudu na mandok asa unang tagadis sijahaonta. (2Kor 2:17) Sijahaonta marisi hasintongan sian Hata ni Debata. Dihaporluhon do hepeng dohot gogo laho mancetak jala mamboan sijahaonta tu sude huria di liat portibi on. Alani i, tabuat ma hombar tu na tahaporluhon.

Marbisuk ma tingki mangalehon sijahaonta tu na asing, nang pe tingki marbarita di inganan na ribur. (Mat 7:6) Unang ma asal talehon sijahaon i tu halak na mamolus di dalan, alai marsitutu ma mangkatai tu nasida asa taboto na manjangkon do nasida manang na ndang. Aha do alusmuna tu sungkunsungkun na di kotak on? Olo manang ndang olo? Molo ndang boi diboto hamu na manjangkon do sasahalak manang na ndang, tumagon ma risalah lehon tu ibana. Alai molo dipangido do majalah manang sijahaon na asing, lehon ma tu ibana.—Poda 3:27, 28.