Ingkon tasiram do hasintongan naung tapasahat tu angka halak. (1Kor 3:6) Molo jumpang hita dohot halak na olo manjangkon, tabahen ma sungkunsungkun na laho diulas tingki manjumpangi muse. Molo taulahon on, maimaima ma nasida jala mura ma hita manjumpangi muse. Tingki tajumpangi nasida muse, boi do tadok, hita ro laho mangulas sungkunsungkunna di minggu na salpu.

• Tingki tabahen presentasi laho marbarita sian jabu tu jabu, taparade ma sungkunsungkun na laho dialusi tingki manjumpangi muse. Boi do mamangke sungkunsungkun na dialusi di sijahaon na nilehonmuna. Manang mamangke sungkunsungkun na dialusi di sijahaon na laho silehononmu tu minggu na ro.

• Dung sae mangkatai dohot parjabu, paboa ma na lomo do rohamu manjumpangi nasida muse. Jala tadingkon ma sungkunsungkun naung diparade hian. Molo boi, jalo ma nomor handphone ni ibana.

• Molo nunga marjanji laho ro, ingkon ro do hamu.—Mat 5:37.