Nunga disurirangkon di Bibel taringot paraloan na dibahen Sibolis laho pasohon ulaon marbarita. (Joh 15:20; Pgk 12:17) Songon dia do hita boi mangurupi angka donganta na mangadopi paraloan di luat na dao? Boi do tatangiangkon nasida. ”Margogo situtu do tangiang ni partigor.”—Jak 5:16.

Angka aha do na boi tatangiangkon? Tapangido ma tu Jahowa asa dilehon gogo dohot habaranion tu angka donganta i. (Jes 41:10-13) Boi do muse tatangiangkon pamarenta asa diloas hita marbarita.—1Tim 2:1, 2.

Tingki mangadopi paraloan si Paulus dohot si Petrus, didok dongan sahaporseaon ni nasida do goar ni nasida tingki martangiang. (Ul 12:5; Rom 15:30, 31) Molo ndang taboto goar ni angka donganta na mangadopi paraloan, tadok ma huria, negara manang inganannasida di tangiangta.