Dipangido Jahowa do asa toktong diingot sasahalak janjina tikki menikah. Jala dipangido Ibana do asa toktong setia nasida tu dongan saripena. (Mat 19:5, 6) Godang do naposo ni Debata na makkilala las ni roha saleleng marrumah tangga nasida. Alai sai adong do parsoalan na mardongan saripe. Godangan halak pittor marsirang do molo adong parsoalan, alai unang ma taihutton nasida. Songon dia do asa boi toktong martahan rumah tanggamuna?

Adong lima na porlu diulahon.

1. Jaga ma rohamuna. Contohna, unang ma menggoda halak na asing, manjaha manang manonton pornografi.​—Mat 5:28; 2Ptr 2:14.

2. Patogu ma parale-aleonmuna tu Debata. Unang ma gabe marlea goar ni Debata alani parsaripeonmuna.​—Ps 97:10.

3. Marsitutu ma patuduhon pangalaho na denggan. Dang ikkon luar biasa dibahen hamu lao patuduhon holongmuna. Molo burju hamu tu dongan saripemuna, las ma roha ni nasida.​—Kol 3:8-10, 12-14.

4. Sangap ma hamu tu dongan saripemuna termasuk ma i tikki makkatai.​—Kol 4:6.

5. Parrohahon ma kebutuhan emosi ni dongan saripemuna.​—1Kor 7:3, 4; 10:24.

Molo toktong diulahon hamu on, gabe sangap ma Jahowa, Debata na mambahen parsaripeon.

TONTON MA VIDEO TOKTONG MA “MARSITUTU MARLOJONG”​—IHUTTON MA PERATURAN PARLUMBAAN I, DUNG I ALUSI MA SUKKUN-SUKKUN ON:

• Nang pe las roha ni halak na baru menikah, alai parsoalan aha do na boi ro?

• Songon dia do prinsip ni Bibel boi mangurupi tikki adong parsoalan di rumah tangga?

• Aturan aha do na dibahen Jahowa tu halak na marrumah tangga?

• Aha na ikkon diulahon suami dohot istri asa marhasil rumah tangga ni nasida?