Boasa las hian rohatta molo ro tu kebaktian na dibahen tiap taon? Dos songon halak Israel najolo, di tikki kebaktian ma boi hita manomba Jahowa rap dohot marratus manang marribu akka donganta. Las do rohatta mandapot massai godang hatorangan na boi mambahen hita toktong jonok tu Jahowa. Jala las do rohatta di tikki i boi marsaor rap dohot donganta manang keluargatta. Tottu lomo do rohatta ro tu kebaktian saleleng tolu ari i.

Tikki ro hita tu kebaktian i, unang ma holan na boi tadapot na tapikkirhon. Alai porlu do tapikkirhon aha na boi taulahon tu donganta lao patuduhon holongta. (Gal 6:10; Heb 10:24, 25) Porlu do tapikkirhon aha na rikkot tu na asing. Contohna, taurupi ma donganta mambukkahon pittu jala unang ma pagodanghu hundulan na tapapulik. (Plp 2:3, 4) Tikki kebaktian songon on boi do dapotta dongan na baru. Alani i makkata-hatai ma tu halak na so tatanda dope, saleleng mangan, sebelum manang dung sae kebaktian. (2Kor 6:13) Boi do hita gabe marale-ale tu nasida salelengna! Molo tabahen songon i, boi ma diida halak na taundang holongta. Gabe olo ma ra nasida dohot manomba Jahowa.​—Joh 13:35.

TONTON MA VIDEO KEBAKTIAN INTERNASIONAL “NDANG OLO SALPU HOLONG I”, DUNG I ALUSI MA SUKKUN-SUKKUN ON:

• Songon dia do dibahen lao patuduhon holong tu akka delegasi kebaktian internasional 2019?

• Aha do na gabe tanda ni naposo Jahowa?

• Aha do na dipatorang Punguan na Mangaradoti taringot holong?

• Songon dia do holong ni roha mambahen marsada akka donganta di Jerman dohot di Korea Selatan?

• Aha ma na gabe tekadta?