Denggan do diatur Jahowa halak Israel najolo. Dos songon i ma, denggan do diatur Jahowa naposona saonari lao mangulahon lomo ni rohana. Marsiurupan do akka kantor cabang, akka wilayah, akka huria, dohot akka kelompok dinas lapangan di liat portibi on lao paboahon barita na uli. Tapaboa do barita na uli tu sude halak, termasuk ma i tu akka halak na marbahasa na asing.​—Pgk 14:6, 7.

Lomo do rohamuna marsiajar bahasa na asing lao mangurupi halak marsiajar Bibel? Molo tung pe dang adong tikkimuna, boi do dipakke hamu aplikasi JW Language lao marsiajar kata pengantar na singkat di bahasa na asing. Dung i pakke hamu ma i tikki marbarita. Olo do ra dihilala hamu las ni roha songon na dihilala halak Kristen di abad na parjolo. Tikki i longang do roha ni akka halak sian marragam bangso mambege “ulaon ni Debata na balga” di bahasa ni nasida.​—Ul 2:7-11.

TONTON MA VIDEO GABE ALE-ALE NI JAHOWA​—MARBARITA NA ULI MAMANGKE BAHASA NA ASING, DUNG I ALUSI MA SUKKUN-SUKKUN ON:

• Tikki sadihari do aplikasi JW Language porlu tapakke?

• Akka fitur aha do na adong di aplikasi i?

• Bahasa aha do na dipakke halak di hutamuna?

• Aha do na boi diulahon hamu molo adong na marbahasa na asing olo marsiajar Bibel?​—od-IN 100-101 ¶39-41