15-21 Januari
JOB 36-37
Ende No. 147 Dohot Tangiang | Hata Pamukka (1 menit)
1. Toho do Boi Hita Mangolu Saleleng ni Lelengna?
(10 menit)
Salelengna do Jahowa mangolu (Job 36:26; w22.12 2-3 ¶3-4)
Ala marbisuk do Jahowa jala balga huasona, tolap do Ibana mambahen hita mangolu saleleng ni lelengna (Job 36:27, 28; w20.05 22 ¶6)
Dipaboa Jahowa do tu hita carana asa boi mangolu salelengna (Job 36:4, 22; Joh 17:3)
Molo pos rohatta tu janji ni Debata, boi ma hita tenang jala sanggup mangadopi akka hasusaan di ngolutta.—Heb 6:19; w22.10 28 ¶16.
2. Arta na Adong di Bibel
(10 menit)
-
Job 37:20—Songon dia do cara ni halak najolo mamboto sada barita? (it-1-IN 1292 ¶6)
-
Aha do arta na arga na dapotmuna sian ayat ni Bibel na tajaha di minggu on?
3. Manjaha Bibel
(4 menit) Job 36:1-21 (th parsiajaran 2)
4. Mamulai Pakkataion
(3 menit) DI TEMPAT UMUM. (lmd parsiajaran 3 no. 3)
5. Manjuppangi Muse
(4 menit) SIAN JABU TU JABU. (lmd parsiajaran 2 no. 5)
6. Paboahon Haporseaon
(5 menit) Jamita. ijwfq 57 ¶5-15—Tema: Boasa Disiksa Saksi Jahowa Tikki Masa Holocaust? (th parsiajaran 18)
Ende No. 49
7. Parade ma Dirimuna tu Situasi na Berhubungan tu Kesehatan
(15 menit) Siulason. Na dipasahat sahalak sintua.
Godang do naung diparade organisasi ni Jahowa lao mangurupi hita mangihutton patik ni Jahowa taringot mudar. (Ul 15:28, 29) Akka aha ma i jala aha ma na porlu taulahon?
Surat Kuasa Khusus Perawatan Kesehatan (DPA) Dohot Kartu Identitas (ic): Kartu on paboahon keputusan ni pasien taringot transfusi darah dohot perawatan kesehatan na mamakke mudar. Boi do dipangido akka penyiar naung tardidi kartu DPA dohot Kartu Identitas tu hamba lektur. Alai Kartu Identitas dipakke khusus tu dakdanak do. Ikkon sai diboan do kartu on manang tudia pe. Pittor hatop ma isi hamu i manang perbarui ma molo porlu.
Informasi bagi Ibu Hamil (S-401) Dohot Informasi bagi Pasien yang Membutuhkan Operasi atau Kemoterapi (S-407): Informasi na adong di dokumen on mangurupi ibu hamil dohot akka dongan na marsahit menghindari masalah serius na boi terjadi, tarlumobi molo adong masalah na berkaitan tu mudar. Pangido ma dokumen on molo marsahit kanker hamu, naeng operasi, manang lagi hamil.
Panitia Penghubung Rumah Sakit (PPRS): Dilatik do akka sintua na gabe anggota PPRS lao patorakkon informasi taringot mudar tu akka dokter dohot akka penyiar. Boi do tong nasida makkatai tu dokter taringot perawatan kesehatan tanpa transfusi darah na adong di daerahmuna. Molo porlu, boi do nasida mangurupi hamu mangalului dokter na mangargai keputusanmuna taringot mudar. Boi do dihubungi hamu PPRS manang sadihari pe. Molo naeng diopname hamu di rumah sakit, naeng dioperasi, manang menjalani terapi songon pengobatan kanker, pittor hatop ma hubungi PPRS. Bahkan boi do dihubungi hamu nasida molo pe pengobatanmuna i dang adong hubunganna tu mudar. Molo lagi hamil hamu, boi do tong hamu mangido bantuan ni PPRS. Pangido ma nomor ni anggota PPRS tu akka sintua.
Putar ma VIDEO Songon dia do Panitia Penghubung Rumah Sakit Mangurupi Hita? Dung i sukkun ma:
Molo naeng dioperasi hamu manang porlu menjalani perawatan medis, songon dia do PPRS boi mangurupi hamu?
8. Parsiajaran Bibel Huria
(30 menit) bt pasal 4 ¶9-12, dohot kotak di halaman 34
