Di Borngin Parningotan, tarimangi ma angka pasupasu di ari na naeng ro marhite tobusan, songon haheheon. Ndang lomo roha ni Jahowa molo mate jolma. Alani i, sitaonon na borat do hamatean, tarlumobi molo mate halak na dihaholongi. (1Kor 15:26) Lungun do roha ni Jesus mangida siseanna tingki marhabot ni roha ala mate si Lasarus. (Joh 11:33-35) Tumiru Amana do Jesus. Alani i, pos ma rohanta lungun do roha ni Jahowa tingki hita marhabot ni roha ala mate na tahaholongi. (Joh 14:7) Sihol do roha ni Jahowa laho pahehehon angka naposoNa, jala hita pe sapangkilalaan dohot Ibana.—Job 14:14, 15.

Debata na maratur do Jahowa. Alani i, pos ma rohanta maratur do annon bahenonNa haheheon i. (1Kor 14:33, 40) Tajangkon ma annon sude halak na dipahehe, ndang adong be andungandung alani hamatean. Dirimangi hamu do taringot haheheon, tarlumobi tingki marhabot ni roha? (2Kor 4:17, 18) Mandok mauliate do hamu tu Jahowa ala diparade Ibana tobusan, jala dipaboa Ibana tu hita marhite Bibel molo halak na mate mulak mangolu muse?—Kol 3:15.

• Ise do aleale manang keluargamu na sihol rohamu asa pajumpang muse?

• Ise do na disurat di Bibel na sihol rohamu pajumpang jala boi mangkatahatai tu nasida?