Tanggal 23 Maret, hirahira 12 juta halak ro tu Borngin Parningotan. Dapot nasida ma hatorangan na mansai denggan tingki manangihon jamita na mangulas silehonlehon ni Jahowa, i ma tobusan dohot pasupasu na dihilala jolma di ari na naeng ro! (Jes 11:6-9; 35:5, 6; 65:21-23; Joh 3:16) Alai, ndang holan parjamita na mangalehon hatorangan na denggan taringot ulaon na sumurung on. Hita sude boi do lambok manjangkon sude na ro. (Rom 15:7) On ma pigapiga na boi taulahon.

• Lambok ma hita manjangkon na ro dohot donganta na so aktif. Unang ma hita ro holan laho hundul jala paimahon acara dimulai

• Tingki didongani hamu halak na digokkonmuna, mansai ringkot do muse manjangkon sude na ro tu ulaon i. Boi do hamu rap hundul dohot na baru ro, jala rap mamangke Bibel dohot buku ende

• Dung sae acara, parade ma dirimu laho mangalusi sungkunsungkun ni nasida. Molo ndang sanga tingki ala naeng pangkeon ni huria na asing inganan i, bahen ma tingki laho manjumpangi nasida muse. Molo ndang diboto hamu dope hatorangan taringot nasida, sungkun ma, ”Las do rohangku mamboto pandapotmu taringot ulaon on. Songon dia do asa boi hita mangkatai muse?”