Adong opat video na boi tapakke lao manogihon halak marsiajar Bibel. Aha do tujuan ni tiap video i?

• Video Boasa Ringkot Marsiajar Bibel?​—Video na Umganjang on dibahen asa berminat akka halak marsiajar Bibel dang soal manang aha pe agama ni nasida. Dijujui do halak na manonton video i asa mangalului alus ni sukkun-sukkun ni nasida sian Bibel. Jala dipaboa do di video i contoh ni sukkun-sukkun na alusna adong di Bibel. Dipaboa do muse di video i boha carana mangido asa diurupi marsiajar Bibel.

• Video Boasa Ringkot Marsiajar Bibel? (versi pendek) on sarupa songon versi na ganjang, alai holan sapartoluna ma ganjang ni video on. Cocok do video on diputarhon tu akka halak na sibuk.

• Video Songon dia do Parsiajaran Bibel na Diulahon Hami? on dibahen asa olo halak marsiajar Bibel gratis. Dipaboa do di video i alus ni sukkun-sukkun taringot kursus i dohot carana mangido asa diurupi marsiajar Bibel.

• Video Cara Mangattusi Isi ni Bibel on diputarhon tu akka halak na naeng mulai marsiajar Bibel. Nang pe di halaman dua bukku Mangolu Saleleng ni Lelengna do dibahen video on, alai boi do tetap taputarhon video on tikki mambahas brosur Mangolu Saleleng ni Lelengna. Dipaboa do di video i akka aha na lao diparsiajari di bukku i jala aha manfaat ni parsiajaran i.

Nang pe berbeda tujuan ni tiap video i, alai boi do tapatudu manang takirim akka video i tu halak na berminat. Hujujui hami do hamu lao mamboto isi ni akka video i, asa boi denggan dipakke hamu i tikki marbarita.