Tikki manjuppangi muse manang tikki mangurupi halak marsiajar Bibel, porlu do taurupi nasida lao mamboto aha do inti ni parsiajaranna. Molo tabahen tudosan, gabe boi ma i hona tu roha ni nasida jala gabe mura ma diingot nasida parsiajaranna.

Molo persiapan hamu andorang so manjuppangi muse manang andorang so mangurupi halak marsiajar Bibel, pillit hian ma inti ni parsiajaranna. Jala molo naeng mambahen tudosan unang pola pagodanghu hatorangan na dibahen hamu. Pillit ma tudosan na somal diida jala dibege nasida. (Mat 5:14-16; Mrk 2:21; Luk 14:7-11) Pikkirhon ma latar belakang dohot ulaon ni halak na diurupi hamu. (Luk 5:2-11; Joh 4:7-15) Tottu las do rohamuna molo diida hamu diattusi nasida parsiajaran na dipaboa hamu.

TONTON MA VIDEO DRAMA MARLAS NI ROHA MAMBAHEN SISEAN​—LAM TU DENGGANNA—​MAMBAHEN TUDOSAN, DUNG I ALUSI MA SUKKUN-SUKKUN ON:

• Boasa parsiajar Bibel porlu diurupi lao mangattusi ayat ni Bibel?

• Songon dia do si Nita mamakke tudosan lao patuduhon hasittongan di Rom 5:12?

• Aha do pengaruh ni tudosan na denggan tu halak na manangihon?

• Tikki marbarita, boasa porlu tapakke video dohot akka alat lao mangajari na diparade organisasi?