Pissang-pissang boi do gabe petunjuk tu hita jala mangajari hita asa mangulahon na denggan. Alai, boi do tong pissang-pissang i gabe sipasingot dohot hukuman. Dipissang Jahowa pe hita asa taboto do songon dia cara na sittong lao manomba Ibana. (Rom 12:1; Heb 12:10, 11) Tikki dipissang olo do haccit rohatta, alai mambahen na denggan do i tu hita jala parohon pasu-pasu. (Poda 10:7) Aha do na ikkon diingot halak na mamissang dohot halak na dipissang?

Na mamissang. Ikkon berupaya do akka sintua, natua-tua dohot halak na asing maniru Jahowa tikki mangalehon pissang-pissang. (Jer 46:28) Nang pe posi pissang-pissang i, alai ikkon dipasahat do i marhite cara na sittong jala di bagasan holong.—Tit 1:13.

Na dipissang. Manang songon dia pe pissang-pissang na dilehon tu hita, denggan ma i tajalo. (Poda 3:11, 12) Ala jolma na so sempurna do hita, porlu do hita dipissang, dang soal songon dia pissang-pissang i. Sipata olo do tadapot pissang-pissang i tikki manjaha Bibel, tikki di parpunguan, manang olo do i sian panitia pengadilan. Molo olo hita manjalo pissang-pissang i jala taulahon, gabe lam denggan ma ngolutta jala boi mangolu salelengna.—Poda 10:17.

TONTON MA VIDEO “DIPINSANG JAHOWA DO SUDE HALAK NA HINAHOLONGANNA”, DUNG I ALUSI MA SUKKUN-SUKKUN ON:

• Songon dia hian do ngolu ni si Canon? Jala aha do na mambahen ibana muba?

• Pissang-pissang aha do na dijalo ibana sian Jahowa?

• Sian pengalaman i aha do parsiajaranna tu hita?