Ikkon dipatogu parsiajar Bibel do haporseaonna tu Debata asa boi ibana mambahen las roha ni Debata. (Heb 11:6) Boi do taurupi ibana mamakke bukku Mangolu Saleleng ni Lelengna. Di bukku on adong do akka ayat, hatorangan na takkas, sukkun-sukkun na sederhana, akka video, dohot akka gambar na menarik. Jala taurupi ma parsiajar Bibelta asa jonok tu Debata jala patuduhon akka sifat na denggan. Molo taulahon i, dos songon na mambangun jabu mamakke bahan na tahan api ma hita disi.​—1Kor 3:12-15.

Adong do na marpikkir dang mungkin boi nasida jonok tu Debata, ala dang boi diida Debata. Alani i, ikkon taurupi ma nasida mananda Jahowa jala patoguhon haporseaon ni nasida.

TONTON MA VIDEO PATOGU MA HAPORSEAONMUNA TU JAHOWA MAMAKKE BUKKU “MANGOLU SALELENG NI LELENGNA” DUNG I ALUSI MA SUKKUN-SUKKUN ON:

• Sian dia do taboto naung persiapan donganta i sebelum memandu parsiajaran Bibel?

• Dung dijaha Jesaya 41:10, 13, sukkun-sukkun aha do na dibahen donganta i lao mamboto perasaan ni parsiajar Bibelna i?

• Aha do pengaruh ni video dohot akka ayat i tu parsiajar Bibel i?

Godang do halak na so mamboto lapatan ni tobusan ni Jesus. Manang adong do muse na so mamboto molo tobusan i sasittongna hadiah sian Jahowa do i tu nasida sandiri. (Gal 2:20) Alani i, ikkon taurupi do nasida lao patoguhon haporseaon ni nasida tu tobusan ni Jesus.

TONTON MA VIDEO PATOGU MA HAPORSEAONMUNA TU JESUS MAMAKKE BUKKU “MANGOLU SALELENG NI LELENGNA” DUNG I ALUSI MA SUKKUN-SUKKUN ON:

• Sian dia do taboto naung persiapan donganta i sebelum memandu parsiajaran Bibel?

• Songon dia do donganta i mamakke bagian “Lului ma” lao mangurupi parsiajar Bibelna?

• Boasa penting manangiakkon parsiajar Bibelta?