Aha do rekaman audio Bibel i? On ma rekaman isi ni Bibel na dijahahon sian Bibel Hata ni Debata tu Akka Jolma na Naeng Mangolu di Tano na Imbaru. Rekaman audio on lao dibahen nama di piga-piga bahasa. Sada na menarik sian rekaman audio on, i ma asing-asing do pengisi soara ni ganup tokoh di Bibel. Asa boi sahat perasaan di cerita i, denggan do dijaha nasida jala disesuaihon nasida do nada ni soarana tikki manjaha.

Aha do manfaat ni rekaman audio Bibel on tu akka donganta? Godang do donganta mandok tikki dibege nasida rekaman audio Bibel i, gabe hira na dohot do nasida di cerita i. Ala marasing-asing do soarana, gabe lam mura ma dibayakkon nasida ceritana jala lam takkas ma diattusi nasida isi ni Bibel. (Poda 4:5) Donganta na asing mandok, gabe dipatogu do roha ni nasida dung mambege rekaman audio Bibel i.​—Ps 94:19.

Jadi godang do manfaatna molo tabege rekaman audio Bibel on. (2Kron 34:19-21) Molo nungnga adong satonga manang sude rekaman audio Bibel di bahasamuna, coba ma bahen jadwal na taratur lao mambege rekaman i.

TONTON MA VIDEO CARA MAMBAHEN REKAMAN AUDIO BIBEL—CUPLIKAN, DUNG I BAHAS MA SUKKUN-SUKKUN ON:

Boha do perasaanmuna dung ditonton hamu video taringot cara mambahen rekaman audio Bibel?