Tingki di penjara, marende do si Paulus dohot si Silas mamuji Jahowa. (Ul 16:25) Gabe lam togu ma haporseaon ni nasida jala boi martahan. Hita pe boi do songon i. Alana, angka ende na sian organisasi boi patoguhon haporseaonta jala mangurupi hita martahan mangadopi sitaonon. Asing ni i, na mamuji Jahowa do hita molo taendehon angka ende i. (Ps 28:7) I do umbahen jotjot hita dijujui asa marlatik marende. Jadi taparsiajari jala taingot ma lirik ni angka endenta. Boi do i taulahon tingki pelajaran keluarga.

TONTON MA VIDEO ANGKA DAKDANAK MAMUJI JAHOWA MARHITE ENDE, DUNG I ALUSI MA SUNGKUN-SUNGKUN ON:

• Aha do labana di hita molo marende mamuji Jahowa?

• Aha do na diulahon Departemen Audio/Video tingki naeng rekaman?

• Aha do na diulahon angka dakdanak i dohot keluargana asa denggan tingki rekaman?

• Ende na dia do na jotjot diendehon hamu, jala boasa?