Tingki di tano on Jesus, dipatangkas ibana do poda na mandok, “Ingkon pasangaponmu natorasmu.” (2Mus 20:12; Mat 15:4) Gabe sada sitiruon do Jesus taringot on, ala tongtong do ibana ‘mangoloi’ natorasna sian tingki poso. (Luk 2:51) Dung magodang, dipastihon ibana do asa tongtong omakna disarihon molo dung mate ibana.​—Joh 19:26, 27.

Di tingkinta saonari, angka naposo boi pasangaphon natorasna molo unduk jala pantun mangkatai tu nasida. Sasintongna, tongtong do marlangku uhum on sahat tu tingkinta saonari. Nang pe nunga matua nasida, ingkon tongtong ma tapatudu sangap marhite manangihon poda ni nasida. (Poda 23:22) Boi do muse tapatudu i marhite mangalehon angka na porlu di nasida. (1Tim 5:8) Sude hita na poso nang na matua, ringkot do manjaga asa denggan pangkataionta tu natuatuanta. I ma carana laho pasangaphon nasida.

TONTON MA VIDEO ANIMASI PAPAN TULIS SONGON DIA AHU BOI MANGKATAI TU NATUATUANGKU? JALA ALUSI MA SUNGKUNSUNGKUN NA DI TORU ON:

• Boasa ndang mura laho mangkatai tu natuatuamuna?

• Songon dia hamu pasangaphon natuatuamuna tingki mangkatai tu nasida?

• Boasa ringkot asa marsitutu laho mangkatai tu natuatuamuna? (Poda 15:22)