Lomo do roha ni natua-tua asa tongtong ianakhonna manomba Jahowa. Sian na gelleng ingkon diurupi natua-tua do ianakhonna marsiajar Bibel jala ingkon hona tu roha ni nasida parsiajaran i. (5Mus 6:7; Poda 22:6) Ingkon marsitutu do natua-tua mangulahon i. Jala las do roha ni nasida molo tongtong marsihohot ianakhonna.​—3Joh 4.

Si Josep dohot si Maria ma na gabe sitiruon di natua-tua. “Ganup taon, somal do [nasida] laho tu Jerusalem mangarayahon Paska”, nang pe repot nasida jala ingkon godang hepeng na laho dipangke tusi. (Luk 2:41) Di si Josep dohot si Maria, ringkot do asa tongtong jonok keluargana tu Jahowa. Suang songon i ma saonari. Ganup tingki, ingkon diajari natua-tua do ianakhonna marhite pangkataion dohot parniulaon. On boi mangurupi ianakhonna asa tongtong manomba Jahowa.​—Ps 127:3-5.

TONTON MA VIDEO SAI DIULAHON NASIDA DO TANGGUNG JAWAB NA DILEHON, DUNG I ALUSI MA SUNGKUN-SUNGKUN ON:

• Songon dia do keluarga ni si Jon dohot si Sharon Schiller boi tongtong manomba Jahowa?

• Boasa ndang sai sarupa cara ni natua-tua mangajari angka ianakhonna?

• Songon dia do natua-tua mangurupi ianakhonna asa boi marsihohot?

• Aha do na diparade organisasi na boi dipangke natua-tua laho mangurupi ianakhonna asa marsihohot tu Jahowa?