BOASA RINGKOT: Adong do laba ni jejaring sosial. Alai boi do i parohon jea. Piga-piga halak Kristen ndang mamangke jejaring sosial. Na asing mamangke jejaring sosial laho mangkatai tu keluarga dohot dongan. Alai, las hian do roha ni Sibolis molo ndang marbisuk hita mamangke jejaring sosial. Alana boi do i manegai roha dohot pingkiranta. Songon Jesus, boi do tapangke prinsip ni Bibel laho mamboto jala pasidingkon angka na boi parohon jea di jejaring sosial.​—Luk 4:4, 8, 12.

PASIDING MA NA BOI PAROHON JEA:

• Pagodanghu tingki na dipangke. Molo sai lalap marinternet manang mamangke jejaring sosial, boi do i mambahen hita lupa mangulahon angka na ringkot, songon marsiajar Bibel, marbarita na uli, manang martangiang

  Prinsip ni Bibel: Eps 5:15, 16; Plp 1:10

• Manjaha manang mangida hatorangan na boi parohon jea. Molo sanga taida gombar porno, boi do i mambahen hita gabe kecanduan film porno. Jala haporseaonta pe boi do sega molo tajaha sijahaon na dibahen angka halak na murtad

  Prinsip ni Bibel: Mat 5:28; Plp 4:8

• Mambahen foto manang komentar na so denggan. Angkal do roha ni jolma. Alani i, olo do ra sasahalak mambahen foto manang komentar na so denggan di jejaring sosial. On boi mambahen roa pandapot ni halak taringot ibana, jala gabe partuktuhan tu na asing

  Prinsip ni Bibel: Rom 14:13; Eps 4:29

TONTON MA VIDEO MARBISUK MA MAMANGKE JEJARING SOSIAL, DUNG I ULAS MA CARA MANGADOPI ANGKA SITUASI NA DI TORU ON: