Boasa ingkon marbisuk tingki mamillit hiburan? Alana hiburan na tapillit adong do pengaruhna tu pingkiran dohot tu pangalahonta. Umpamana taringot film na tatonton, musik na tabege, situs web na tabungka, buku na tajaha, dohot game na tapillit. Saonari, godang do hiburan na maralo tu lomo ni roha ni Jahowa. (Ps 11:5; Gal 5:19-21) I do alana, dijujui Bibel do hita asa taulahon angka ulaon na mambahen las roha ni Jahowa.​—Plp 4:8.

TONTON MA VIDEO MAMILLIT HIBURAN NA DENGGAN, DUNG I ALUSI MA SUNGKUN-SUNGKUN ON:

• Boasa piga-piga hiburan saonari sarupa songon gladiator di Rom najolo?

• Aha do na boi diulahon angka dongan di huria laho mangurupi angka na poso asa marbisuk mamillit hiburan?

• Boha do prinsip di Rom 12:9 boi mangurupi hita tingki mamillit hiburan?

• Adong do angka hiburan na denggan di ingananmuna? Paboa ma contohna.