• Bahen ma alamatmuna di surat i. Alai molo songon na mabiar do hamu mamangke alamat ni jabumuna, pangke ma alamat ni Bale Harajaon. Alai jolo permisi ma hamu tu angka sintua. UNANG ma dipangke hamu alamat ni kantor cabangta.

• Molo diboto hamu do ise goar ni parjabu i, bahen ma goarna disi. Asa unang gabe dirimpu ibana na naeng marjualan hamu.

• Pareso ma angka hata dohot tanda baca. Rapi ma bahen hamu. Molo naeng tulis tangan do bahenonmuna, ingkon mura do i jahaon. Pangke ma hata na somal dipangke hamu tingki mangkata-hatai, alai ingkon pantun.

On ma contoh surat na boi ditiru hamu. Alai ndang ingkon sarupa hata na dipangke hamu songon na di contoh surat on. Boi do disesuaihon hamu hombar tu situasi dohot topik na naeng pasahatonmuna tu parjabu i.