Gombar dohot video boi mangurupi sasahalak asa mura mangantusi jala mangingot na diajarhon tu ibana. Debata Jahowa pe dipangke do gombaran laho mangajari. (1Mus 15:5; Jer 18:1-6) Jesus pe songon i do. (Mat 18:2-6; 22:19-21) Hita pe boi do mamangke gombar. Sada carana i ma marhite patuduhon video. Denggan do hasil na didapot ala patuduhon video. Dipangke hamu do video laho mangurupi parsiajar Bibelmuna?

Nunga adong sampulu video na diparade tu hita laho mangurupi angka halak mangantusi parsiajaran sian buku Barita na Uli sian Debata! Ganup judul ni video i, dibuat sian sungkun-sungkun na dicetak tebal na adong di buku i. Molo taida buku on di jw.org, adong do bagian na boi diklik asa tarida videona. Adong do muse marragam video na asing na boi tapangke.

Adong do topik ni Bibel na maol diantusi parsiajar Bibelmuna? Manang adong do ambat-ambat na diadopi ibana saonari? Lului ma angka video di jw.org® dohot JW Broadcasting® na boi pangkeonmuna laho mangurupi ibana. Ra boi do hamu rap manonton dohot ibana, dung i ulas ma i.

Ganup bulan, adong do video na baru. Tingki ditonton hamu i, pingkirhon ma songon dia video i boi pangkeonmu laho mangajari halak.