Aha do na mambahen Jesus boi marbarita tu borua Samaria? Ala barani do ibana mamungka pangkataion. Songon dia do hita asa lam barani mamungka pangkataion tu halak na so tatanda?

• Lambok ma hamu mangkatai. Nang pe loja Jesus, ibana do na parjolo mamangkulingi borua Samaria i marhite mangido aek laho inumonna. Jadi hamu pe, denggan do molo dipangkulingi hamu angka halak. Umpamana, sungkun ma laho tudia nasida, didia jabu ni nasida. Manang taringoti ma barita na masa di luatmuna. Tabahen pe songon i asa olo do nasida mangkatai tu hita. Nang pe ndang marhasil, unang ma marnaloja. Coba ma muse mangkatai tu na asing. Pangido ma habaranion tu Jahowa.​—Neh 2:4; Ul 4:29.

• Ingkon marbisuk do hamu laho pasahathon barita na uli. Molo pintor tapaboa taringot barita na uli, ra ndang pola lomo roha ni angka halak. Jadi molo ndang olo be nasida mangkatai tu hita, unang ma marnaloja. Molo maol dope dihilala hamu marbarita tingki kesaksian tidak resmi, coba ma holan mangkata-hatai sambing tu na jumpangmuna. [Putar jala ulas ma video 1.]

• Dung i paboa ma barita na uli tu nasida. Boi do muse dipaboa hamu taringot haporseaonmuna. Ra, gabe olo do nasida manungkun taringot haporseaonmuna i. Songon i do na dibahen Jesus tu borua Samaria. Dilehon Jesus do angka hatorangan na mambahen gabe sungkun-sungkun roha ni borua Samaria i. Alani i ma gabe boi Jesus paboahon barita na uli tu ibana. [Putar jala ulas ma video 2, dung i putar jala ulas ma video 3.]