Molo adong na taurupi marsiajar Bibel, dang cukkup holan na taajarhon i na diboto nasida. Asa lam ditanda nasida Jahowa jala asa lam jonok tu Ibana, ikkon marsiajar sandiri do nasida. (Mat 5:3; Heb 5:12–6:2) Alai, ikkon taajari do nasida songon dia carana marsiajar sandiri taringot Jahowa.

Sian mulana, patudu ma songon dia carana mambahen persiapan tu na lao diparsiajari, jala jujui ma nasida asa dibahen songon i. (mwb18.03 6) Dok ma muse tu nasida asa jolo martangiang sebelum marsiajar sandiri. Urupi ma nasida songon dia carana mamakke situs webta dohot aplikasitta. Patorang ma tu nasida songon dia carana mamboto aha na baru di jw.org dohot di JW Broadcasting^®. Dokkon ma muse tu nasida asa taratur manjaha Bibel ganup ari, mambahen persiapan lao tu parpunguan, jala songon dia carana mangariset alus ni sukkun-sukkun ni nasida. Jala urupi ma nasida mangarimangi aha naung diparsiajari nasida.

TONTON MA VIDEO DRAMA URUPI MA PARSIAJAR BIBELMUNA ASA MARSIAJAR SANDIRI TARINGOT JAHOWA, DUNG I ALUSI MA SUKKUN-SUKKUN ON:

• Songon dia do si Nita mangurupi si Tio molo marsiajar i dang cukkup holan naeng mamboto alusna?

• Aha do na mambahen pos roha ni si Tio na bermanfaat do molo mangihutton paretta ni Jahowa asa unang mangulahon seks na so patut?

• Aha do na mambahen si Tio mangattusi na rikkot do mangarimangi?