Satokkin nai marujung nama kesabaran ni Jahowa tu akka halak na di portibi on. Tikki masa Armagedon, lao dihancurhon Jahowa ma sude agama palsu, akka bangso na marsada na menyerang naposona, dohot sude parjahat. Jala lao idaotta do sude na masa on.

Memang dang taboto sude na lao masa di hasusaan bolon. Contohna, dang taboto andigan hasusaan bolon i dimulai. Dang taboto aha do na mambahen organisasi politik menyerang akka agama. Dang taboto sadia leleng akka bangso menyerang naposo ni Debata jala aha na dipakke nasida lao menyerang hita. Asing ni i, dang taboto tong aha do na dipakke Jahowa di Armagedon lao pamatehon akka parjahat.

Alai adong do dipaboa di Bibel akka informasi na boi mambahen pos rohatta tu Jahowa jala barani menghadapi na masa i. Contohna, taboto do na mangolu “di ari parpudi” hita saonari. (2Tim 3:1) Taboto do na lao diserang akka bangso ma akka agama, i ma na didok akka ari hasusaan i. Alai na lao “diorui” do akka ari i asa unang mago agama na sittong. (Mat 24:22) Taboto do na lao dipalua Jahowa naposona. (2Ptr 2:9) Jala taboto do, tigor jala balga do huaso ni Pribadi na dipillit Jahowa lao pamatehon akka parjahat jala paluahon punguan bolon di Armagedon.​—Pgk 19:11, 15, 16.

Gabe “pingsan” do akka halak alani biarna mangida na masa di ari na naeng ro. Alai molo tajaha Bibel jala tapikkiri songon dia Jahowa paluahon akka naposona di tikki naung salpu dohot akka aha na lao masa di ari na naeng ro, gabe boi ma ‘pos rohatta jala barani’, ala nungnga jonok haluaonta.​—Luk 21:26, 28.