Ala naung jonok haporsuhon bolon, ringkot situtu do ulaon marbarita. (Poda 24:11, 12, 20) Boi do tapangke kartu kontak laho manogihon nasida marsiajar manang mangida situs resminta. Molo dipatongon tu tanda na adong di kartu i, boi ma diida nasida video Boasa Ringkot Marsiajar Bibel? dohot gokhon asa marsiajar Bibel. Pigapiga halak na so olo manjalo bukunta, olo do mangida situs resminta. Alani i, unang ganggu rohanta mangalehon kartu kontak tu nasida. Alai, unang ma tatadingkon i tu halak na so olo manjalo.

Boi do talehon kartu i manang tu ise pe, mamangke hata pamungka na jempek songon, ”Adong na laho hulehon tu hamu. Di kartu on, adong alamat situsnami na marisi godang sijahaon dohot video na marragam. Ndang pola margarar.” (Joh 4:7) Ala metmet do kartu on, boan ma pigapiga asa boi lehononmuna tu manang ise pe.