Parange aha do na dihalomohon roham sian donganmuna? Setia jala burju do ra ibana. Sude parange i adong do di Jahowa. (2Mus 34:6; Ul 14:17) Ditangihon Ibana do hamu tikki martangiang. Rade do Ibana mangurupi hamu manang sadihari pe. (Ps 18:20, 36) Olo do Ibana manalpuhon hasalaanmuna. (1Joh 1:9) Dongan na burju hian do Jahowa on!

Boha do carana asa boi hamu marale-ale tu Jahowa? Jaha ma Bibel asa diboto hamu taringot Ibana. Pasahat ma na di rohamuna tu Ibana. (Ps 62:9; 142:3) Argai hamu ma sude na dilean Jahowa, songon Anakna, Harajaonna, dohot janjina di ari na naeng ro. Baritahon ma taringot Ibana tu na asing. (5Mus 32:3) Molo dipajonok hamu dirimuna tu Jahowa, gabe ale-alemuna ma Ibana salelengna.​—Ps 73:25, 26, 28.

TONTON MA VIDEO AKKA NA POSO​—‘DAI HAMU MA DENGGAN BASA NI JAHOWA’, DUNG I ALUSI MA SUKKUN-SUKKUN ON:

• Songon dia ma hamu asa rade mangalehon dirimuna tu Jahowa jala tardidi?

• Songon dia ma akka dongan di huria mangurupi hamu asa boi mangulahon ulaon sian Jahowa?

• Songon dia do ulaon marbarita na uli boi patoguhon parale-aleonmuna tu Jahowa?

• Tugas aha ma na boi diulahon hamu tu Jahowa?

• Parange ni Jahowa na dia do na dihalomohon rohamuna?