HANGOLUAN NI HALAK KRISTEN
Molo Dakdanak na Mambungka Pintu
Molo dakdanak na mambungka pintu, ingkon tu natuatuana do hita mangkatai. On patuduhon na taargai do natuatuana. (Poda 6:20) Molo ndang adong natuatuana di jabu, di tingki na asing ma muse hita ro.
Molo nunga remaja na mambungka pintu i, dumenggan do molo tasungkun didia natuatuana. Molo ndang adong natuatuana di jabu, tasungkun ma atik na boi do talehon sijahaon tu ibana. Molo olo ibana, lehon ma majalah jala togihon ma ibana asa mambungka jw.org.
Tingki tajumpangi muse remaja na manjangkon i, pangido ma muse asa boi mangkatai tu natuatuana. On boi gabe dalan di hita laho paboahon tujuan haroroanta jala boi ma tapatudu poda na denggan sian Bibel tu keluarga i. (Ps 119:86, 138) Molo tapatudu pangargaion tu natuatuana, boi do on gabe barita na denggan tu nasida jala gabe dalan di hita laho paboahon barita na uli tu keluarga i. —1Ptr 2:12.