Ala godang masalah, gabe dang aman jala dang dame be tahilala. Jala gabe hira na so adong ma harapanta. Menurut hamu, boi do jolma pasaehon sude masalah i? Asa boi dipasae sada masalah, ikkon taboto do aha boccirna.

Contohna adong sahalak bawa na margoar si Tom. Tikki marsahit ibana diboan ma ibana tu rumah sakit. Alai dang leleng dukkon i, mate ma ibana. Boasa songon i? Didok dokter na di rumah sakit i ma, “Tikki haccit dihilala ibana, dang adong na mamikkirhon aha boccirna.” Holan obat penghilang rasa sakit do na dilehon dokter na mangarawat si Tom sebelumna.

Songon i ma tong na dibahen jolma lao pasaehon masalah na di portibi on. Contohna, asa dang adong be kejahatan, dibahen pamaretta ma undang-undang, dipasang ma kamera CCTV jala ditambai ma anggota polisi. Memang moru do kejahatan ala dibahen songon i. Alai tetap do adong kejahatan. Boasa? Alana, sian pikkiran, perasaan dohot keinginan ni sasahak do boccir ni kejahatan i.

Adong sahalak bawa na margoar si Daniel na tinggal di Amerika Selatan, i ma negara na mengalami krisis ekonomi. Didok ibana, “Najolo tenang do ngolunami. Dang hea dibege hami adong perampokan bersenjata. Alai saonari dang aman be manang na didia pe, di kota manang na di huta-huta. Alani krisis ekonomi on, gabe tarida ma sifat asli ni akka jolma. Hisap do nasida, tega do mangarampok arta ni halak, sappe mambunu pe olo do nasida.”

Adong muse bawa na margoar si Elias na melarihon diri sian Timur Tengah ala adong konflik di negara i. Di pudian ni ari marsiajar Bibel do ibana. Didok ibana, “Di hutakku godang do doli-doli na dijujui keluargana, kelompok agama, dohot kelompok politik asa dohot marporang. Menurut nasida, gabe pahlawan do annon gelleng ni nasida i molo olo dohot marporang. Hape, songon i do tong didok alo ni nasida tu akka doli-doli di negara ni nasida. Gabe sadar ma au, dang boi tahaporseai molo jolma do na mamimpin.”

Sadalan do on tu na didok Bibel na marisi akka poda na mandok:

• “Ai sian mulai poso nasida, holan na jahat do di roha nang di pikkiran ni nasida.”​—1 Musa 8:21.

• “Massai akkal situtu do roha i, jala dang adong na songon i, sai naeng lomona do pasautonna. Ise ma na umboto roha ni jolma?”​—Jeremia 17:9.

• “Sian roha do tubu pikkiran na jahat songon: mambunu, mangalakkup, mangulahon seks na so patut, manakko, mandok hata na so tutu, dohot mangaleai.”​—Mateus 15:19.

Dang boi mago akka sifat na so denggan sian jolma, ala nungnga marurat i di bagasan roha ni nasida. Gariada lam roa do pangalaho ni jolma saonari. Tarida ma i sian akka masalah songon na dipaboa di halaman sebelumna. (2 Timoteus 3:1-5) Hape, nga lam maju ilmu pengetahuan jala nungnga lam canggih cara ni jolma berkomunikasi. Jadi boasa ma dang tolap jolma mambahen aman jala dame portibi on? Memang na so adong be na boi bahenotta? Memang na so boi be aman jala dame portibi on?

Molo tung pe boi tahapus akka sifat na so denggan sian jolma, tetap do dang tolap hita mambahen aman jala dame portibi on. Boasa? Alana terbatas do kemampuan ni jolma.

 Bibel mandok, “Dang marhuaso jolma lao manottuhon . . . lao tudia ibana mangalakka.” (Jeremia 10:23) Memang toho do i. Contohna, dang boi hita mangolu di laut manang di luar angkasa, alana dang na lao mangolu disi hita ditoppa Debata. Dos songon i ma, dang boi hita mamaretta dirita sandiri manang mamaretta halak na asing, ala nga songon i hita dibahen Debata.

Pikkirhon ma on: Adong do halak na lomo rohana diatur-atur halak na asing? Contohna, boha do perasaanmuna molo adong halak na mamaksa hamu asa mangihutton pandanganna taringot seks manang taringot cara mangajari gellengmuna? Jala godang dope na boi mambahen parbadaan di akka jolma. Sudena i patuduhon, toho do na didok Bibel. Ikkon taakkui do, dang marhak manang tolap hita lao mangatur halak na asing. Jadi ise ma na boi mangurupi hita?

Porlu do tapangido petunjuk sian Debata. Alana, Ibana do na manoppa hita. Alani i ma holan Ibana do na tolap mangurupi hita. Godang halak na marpikkir dang parduli Debata tu hita. Alai sala do i. Alana holong do roha ni Debata tu hita. Alani i ma dilehon Ibana Bibel tu hita na marisi akka poda na denggan. Molo taattusi isi ni Bibel, gabe boi ma taboto adong do keterbatasanta. Jala boi ma taboto, aha do boccirna na mambahen susa jolma. Songon on ma na disurat sahalak filsuf sian Jerman, “Dang hea jolma marsiajar sian sejarah dohot sian kesalahan ni nasida.”

Hea do didok Raja Salomo, “Molo manat ho marpikkir, boi ma i manjaga ho, molo diboto ho dia na sittong dohot dia na sala, boi ma i manjaga ho.” (Poda 2:11) Jadi boi do Bibel mangurupi hita asa denggan cara marpikkirta. Misalna, Psalmen 143:6 mandok, “Unang ma porsea hamu tu akka pamimpin, manang tu anak ni jolma na so boi mangalehon haluaon.” Sian ayat on boi ma taboto, dang sude boi diulahon jolma. Jadi dang olo hita terlalu berharap tu janji ni jolma na boi mambahen hita kecewa. Adong sahalak bawa na margoar si Kenneth na tinggal di sada kota di Amerika Utara. Sering do terjadi kejahatan di kota i. Didok ibana, “Sering do pemimpin partai mambahen janji lao padenggatton keadaan. Alai dang tolap nasida mangulahon i. Ala songon i situasina, gabe lam pos ma rohakku tu akka poda na disurat di Bibel.”

Songon on ma na disurat si Daniel na diceritahon sebelumna, “Ganup ari lam pos do rohakku, dang boi denggan keadaan molo jolma do na mamaretta. Nang pe godang tabunganta di bank manang adong investasitta, belum tentu denggan ngolutta molo dung matua. Nungnga godang huida halak na kecewa alani i.”

Takkas ma, boi do akka nasehat na adong di Bibel mangurupi hita asa dang kecewa. Asing ni i, boi do akka nasehat na adong di Bibel mangalehon harapan na pasti di hita. On ma na lao tabahas.