“Saonari nungnga lam canggih be teknologi, nungnga lam maju be ilmu pengetahuan dohot ekonomi. . . . Nang pe songon i lam parah do situasi ni politik, ekonomi dohot lingkungan hidup. Nungnga lam sursar be portibi on.”​—Laporan Risiko Global 2018, Forum Ekonomi Dunia.

BOASA GODANG HALAK NA MARSAK MAMIKKIRI MASA DEPAN NI JOLMA DOHOT TANO ON? ON MA PIGA-PIGA ALASANNA.

• KEJAHATAN DI INTERNET: Sada koran di Australia mandok, “Lam leleng gabe berbahaya do marinternet. Alana, internet ma saonari na gabe asar ni akka halak na mangulahon seks tu dakdanak, akka halak na mam-bully, akka hacker dohot troll. a Sada bentuk kejahatan na sering terjadi di internet, i ma manakko data pribadi ni akka halak. Gabe tarida ma sifat ni akka halak na kejam jala na garang alani internet on.” Holan di Indonesia pe, adong hira-hira 60 juta halak na gabe korban kejahatan di internet saleleng taon 2016.

• KEADAAN EKONOMI NA SO SEIMBANG: Didok laporan Oxfam International, sarupa do godang ni arta ualu halak na ummora di portibi on tu arta ni 3,6 miliar halak na umpogos di portibi on. Didok laporan i muse, ala dang adil sistem ekonomi di portibi on, gabe lam mamora ma halak naung mamora. Jala gabe lam pogos ma halak na pogos. Jala godangan halak na pogos, i ma akka borua. Ala songon i situasi perekonomian, mabiar do akka halak boi i mambahen gabe adong pemberontakan manang kerusuhan.

• KERUSUHAN DOHOT KEKERASAN: Di taon 2018, didok Badan PBB untuk Urusan Pengungsi (UNHCR), “Dang hea dope huida hami songon i godang ni akka pengungsi. Adong lobi sian 68 juta halak na terpaksa mengungsi. Godangan sian nasida mengungsi ala adong kerusuhan manang penganiayaan.” Didok laporan i muse, “Hampir 30 halak setiap menit na ikkon mengungsi.”

• MASALAH LINGKUNGAN HIDUP: Didok Laporan Risiko Global 2018, “Godang do jenis ni tanaman dohot binatang na gabe punah sada-sada. Asing ni i, lam godang do terjadi polusi udara dohot pencemaran air laut.” Di piga-piga negara hatop do moru godang ni serangga. Hape penting hian do serangga on tu tanaman. Alani i didok akka ilmuwan, boi do haduan gabe “punah lingkungan hidupta”. Godang do tong saonari terumbu karang naung mate. Menurut perkiraan ni akka ilmuwan, di bagasan 30 taon na parpudi on hira-hira satonga ma terumbu karang na mate. Di Indonesia holan 30 persen nama terumbu karang na mangolu di taon 2017.

Jadi boi do hita mambahen portibi on gabe lebih aman jala dame? Adong na mandok, pendidikan do jalan keluarna. Molo songon i, pendidikan na songon dia? Lao dibahas ma i di halaman selanjutnya.