Mangargai Diri Sandiri
BOASA PORLU TAARGAI DIRITTA?
Halak na mangargai dirina sandiri, boi tetap marpikkiran positif tikki adong masalah jala dang mura menyerah.
-
Sada penelitian patuduhon molo dang diargai sasahalak dirina, gabe mura ma nasida mengalami gangguan kecemasan, depresi, dohot kelainan perilaku makan. Alani i gabe olo ma nasida mabuk-mabuk dohot marnarkoba.
-
Molo diargai sasahalak dirina, pasti dang olo ibana mambandingkon dirina tu na asing. Alani i gabe lomo ma roha ni halak mardongan tu ibana. Alai halak na so mangargai dirina, jotjot do marpikkiran negatif taringot halak na asing. Akibatna dang lomo roha ni halak mardongan tu ibana.
-
Molo diargai sasahalak dirina, pasti dang mura ibana menyerah. Nang pe adong tantangan, torus do ibana berjuang sahat tu na dapot tujuanna. Alai molo dang diargai sasahalak dirina, pasti mura ma ibana menyerah. Alana masalah na gelleng pe gabe hira na balga do i di ibana.
NA BOI DIULAHON HAMU
Manat ma mamillit dongan. Mardongan ma hamu tu halak na olo mangargai halak na asing, na parduli tu hamu, jala na olo patoguhon hamu.
Mangurupi halak na asing. Molo burju hamu tu halak na asing nang pe dang tolap nasida mambalos i jala dang diargai nasida haburjuonmuna i, pasti tetap do las rohamuna ala nungnga diurupi hamu nasida.
Ajari ma gellengmuna asa mangargai dirina sandiri. Lehon ma kesempatan tu gellengmuna pasaehon masalahna sian nasa tolapna. Alana molo nungnga somal nasida pasaehon masalahna mulai sian dakdanak, gabe boi ma nasida mangargai dirina jala bermanfaat do on tu nasida sahat tu na balga.
NA DIULAHON HAMI
Dibahen Saksi Jahowa do acara ibadah dohot program marsiajar Bibel na boi mangurupi akka halak asa lam denggan ngoluna, dung i lam diargai nasida ma dirina.
ACARA IBADAHNAMI
Ganup minggu adong do dibahen hami acara ibadah. Boi do sude halak ro tu acara i jala dang adong dipangido biaya molo dohot hamu tu acara i. Begeonmuna ma disi jamita na sian Bibel na paboahon songon dia carana mangargai diri sandiri. Misalna, botoonmuna ma annon disi . . .
-
arga do hamu di Debata
-
adong do tujuan ni ngolumuna
-
boha carana asa boi hamu torus denggan dohot dongan akrabmuna
Jala di acara i boi ma hamu annon pajuppang dohot dongan na burju na olo “marsiurupan”.—1 Korint 12:25, 26.
Asa diboto hamu songon dia acara ibadahnami, tonton ma video Aha do na Dipatupa di Bale Harajaon? di situs web jw.org.
PROGRAM MARSIAJAR BIBEL
Lomo do rohanami manawarhon parsiajaran Bibel gratis tu sude halak mamakke bukku Mangolu Saleleng ni Lelengna. Asa lam mura diattusi hamu parsiajaran i, dibahen do di bukku i akka ayat, perumpamaan, sukkun-sukkun, video, dohot akka gambar. Parsiajaran Bibel on boi do mangurupi akka halak asa lam mangargai dirina sandiri jala asa martujuan ngoluna.
Asa diboto hamu aha manfaatna marsiajar Bibel dohot Saksi Jahowa, tonton ma video Boasa Ringkot Marsiajar Bibel? di situs web jw.org.
Mungkin Lomo do Rohamuna Mamboto
ALUS NI BIBEL
Menurut Bibel, Sala do Molo Tahaholongi Diritta?
Didok Jesus, “Ingkon haholonganmu do donganmu jolma doshon dirim.” Aha do lapatan ni i?
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.
TARINGOT HAMI
Ro tu Parpunguan
Lului ma hatorangan taringot parpunguannami. Lului ma alamat na unjonok tu ingananmuna.
