2 Alani Hasalaatta do Hita Susa?
Boasa Rikkot Taboto Alusna
Molo alani hasalaatta do hita susa, berarti boi do hita mangorui hasusaatta sandiri.
Pikkirhon ma on
Boi do tadok jolma na mambahen akka hasusaan on?
-
Penganiayaan.
Organisasi Kesehatan Dunia (WHO) mandok, hira-hira 1 sian 4 halak hea dianiaya tikki dakdanak, jala 1 sian 3 borua hea do dianiaya dohot makkilala pelecehan seksual.
-
Hamatean.
World Health Statistics 2018, sian WHO mandok, “Saleleng taon 2016 hira-hira 477.000 halak mate alani pembunuhan”. Jala di taon i adong do tong hira-hira 180.000 halak na mate alani porang dohot kerusuhan.
-
Parsahiton.
Sada artikel sian majalah National Geographic, na disurat Fran Smith mandok, “Adong lobi sian samiliar parisap. Jala alani sigaret do godang halak marsahit jantung, struk dohot kanker paru-paru.”
-
Kesenjangan Sosial.
Sahalak psikolog na margoar Jay Watts mandok, “Godang do halak saonari marsak manang stres ala suku, jenis kelamin dohot budayana diparoa-roa. Asing ni i adong do na marsak alani pogos manang alani na mangungsi.”
HATORANGAN TAMBAHAN
Tonton ma video Aha do na Tinuju ni Debata Manompa Tano On? di jw.org.
Na Didok Bibel
Godangan hasusaan saonari on, ala na dibahen jolma do.
Termasuk ma i ala pamaretta na kejam na mambahen lam susa akka rakyatna.
“Jolma mangarajai donganna jolma mambahen ibana marhinamago.”—PARJAMITA 8:9.
Boi do taorui hasusaatta sandiri.
Dipaboa do di Bibel carana hita asa lam sehat. Jala dipaboa do tong carana mardame dohot halak na asing.
“Ngolu tu pamatang do roha halambohon, alai manggagat tu holiholi do anggo roha pangiburuon.”—PODA 14:30.
“Bolongkon hamu ma sian dirimuna sogo ni roha, muruk, rimas, songgak-songgak dohot angka hata na mangaleai na mambahen hansit roha ni na asing.”—EPESUS 4:31.
