Didok piga-piga pakar, adong do kesulitan na dihilala akka halak na berduka. Alai dang sai sarupa cara ni halak menghadapi kesulitan na dihilala tikki berduka. Ala marasing-asing do perasaan ni halak na berduka, na adong do halak na so lungun rohana tikki mate halak na dihaholongi? Manang na adong do na berupaya manutupi lungun ni rohana? Dang songon i. Molo olo sasahalak menerima keadaan na terjadi, manang olo ibana paboahon aha na dihilala ibana, on boi mangurupi ibana asa tarubati rohana. Dang sarupa sude cara ni halak patuduhon na berduka ibana. Cara ni sasahalak berduka boi do i dipengaruhi alani budaya, kepribadian, pengalaman hidup, manang songon dia parmate ni halak na dihaholongi.

Tikki mate halak na tahaholongi, olo do dang taboto aha na lao masa tu hita. Alai taida ma songon dia perasaan ni halak na berduka jala kesulitan aha do na boi masa tu nasida.

Perasaan na massai lungun. Olo do tangis hita jala masihol tu halak naung mate i, jala olo do muba-uba perasaanta. Olo do tamba lungun rohatta ala taingot ibana manang ala marnipi hita tu ibana. Biasana, di mulana i tarsonggot do hita jala olo do dang porsea hita na masa i. Songon i do na dihilala si Tiina tikki mate toppu suamina, i ma si Timo. Didok ibana, “Di mulana i, tarsonggot hian do rohakku, sappe so boi au tangis. Sipata massai lungun hian do rohakku. Sappe songon na maol au marhosa. Dang porsea dope au na masa on.”

Mabiar, muruk, jala merasa bersala. Didok si Ivan, “Dung mate anaknami si Eric tikki marumur 24 taon, muruk hian do au dohot istrikku si Yolanda. Tarsonggot do hami mangida dirinami. Ala sebenarna, dang halak parmuruk hami jala merasa bersala do tong hami. Alana didok rohanami, boi hian do godang na boi diulahon hami lao mangurupi anaknami si Eric.” Songon i do muse na dihilala si Alejandro, merasa bersala do ibana dung mate istrina. Leleng do marsahit istrina i. Didok ibana muse, “Ala halak na jahat do au umbahen dipaloas Debata on masa tu au. Alai dukkon i, gabe menyesal do au ala husalahon Debata.” Songon i do tong si Kostas, na dipaboa di halaman sebelumna. Didok ibana, “Hea do au muruk tu si Sophia ala mate ibana jala ditinggalhon au. Alai dukkon i, gabe menyesal do au ala husalahon ibana. Hape dang ibana na sala.”

Dang boi denggan marpikkir. Olo do halak na berduka i maol marpikkir jala dang masuk akkal cara marpikkirna. Contohna, olo didok roha ni halak na berduka i hira na dibege manang diida ibana halak naung mate i. Jala olo do dihilala ibana hira na rap dope ibana dohot halak naung mate i. Asing ni i, halak na berduka olo do maol konsentrasi jala jotjot lupa. Didok si Tiina, “Tikki makkata-hatai au dohot na asing, olo do dang tusi pikkiranku. Alana, sai tu parmate ni si Timo i do na hupikkiri. On mambahen au gabe maol konsentrasi.”

Sai naeng menyendiri. Olo do halak na berduka mura tersinggung manang dang nyaman rap dohot na asing. Didok si Kostas, “Tikki rap au dohot halak naung menikah, hira na sahalakku do huhilala. Alai tikki rap au dohot halak na lajang, tong do dang nyaman huhilala.” Si Yolanda istri ni si Ivan mandok, “Sogo do rohakku molo adong na cerita tentang masalahna. Hape dang sadia dope masalahna i dibandikkon tu masalahnami. Tarlumobi molo adong na cerita taringot akka gellengna. Las do nian rohakku mambege cerita ni nasida i, alai gabe lungun do rohakku ala gabe huingot anaknami naung mate i. Diboto hami do, na ikkon terima nama hami di sude na masa i. Alai malas do hami mambege cerita sisongon i.”

 Gangguan kesehatan. Tikki berduka, olo do dang selera mangan, turun berat badan jala maol modom. Songon si Aaron, dipaboa ibana ma songon dia na dihilala ibana saleleng sataon dung mate bapakna. Didok ibana, “Gabe maol do au modom. Jala sai tarsunggul do au ganup borngin di jam na sarupa mangingot parmate ni bapakki.”

Didok si Alejandro, terganggu do kesehatanna. Alai dang diboto aha sahitna. Didok ibana, “Piga-piga hali, lao do au tu dokter. Alai didok dokter dang adong sahittu. Ala na berduka i do ra makana terganggu kesehatanku.” Ujungna gabe lam sehat do ibana. Jadi sada keputusan na denggan do lao si Alejandro tu dokter. Alana molo sai torus do ibana berduka, olo do gabe mura-mura marsahit, lam parah sahitna, jala olo do gabe adong sahit na baru.

Susa tikki mangurus akka na penting. Didok si Ivan, “Dung mate anaknami si Eric, dang holan tu keluarga manang tu donganna na ikkon dipaboa hami. Alai ikkon dipaboa hami do muse tu bosna dohot tu nappuna tempat tinggal na disewa ibana. Ikkon diisi hami do godang akka dokumen na penting. Dung i, ikkon diurus hami do muse akka barang ni si Eric. Ikkon diurus hami do i sude. Hape, loja do daging, roha dohot pikkirannami.”

Piga-piga halak, asing muse do kesulitan na dihilala ibana. Saonari, ikkon nasida nama na mangurus urusan na penting na biasa diurus halak naung mate i. Songon i ma na dihilala si Tiina. Didok ibana, “Najolo, si Timo do na biasa mangurus akka urusan tu bank dohot akka urusan na asing. Alai saonari, ikkon au sandiri nama na mangurus i. Gabe tamba do arsak ni rohakku. Gabe didok rohakku do, boi do denggan huurus on sude?”

Akka na dihilala halak na berduka nakking, boi do mambahen loja daging, roha, dohot pikkiran ni nasida. Jadi tikki mate halak na tahaholongi, pasti massai lungun situtu do tahilala. Alai molo taboto do aha na dihilala halak na berduka, gabe boi ma hita sabar tikki masa i tu hita. Alai taingot ma, dang sai sude sarupa pakkilalaan ni halak na berduka. Jadi molo songon na dipaboa nakking do na tahilala, dang pola khawatir hita disi. Alana, sada hal na biasa do molo terjadi songon i.

Akka na boi masa: Halak na berduka, dang salelengna marlungun ni roha. Alai lam leleng boi do mago lungun ni rohana i. Alai dang na gabe pittor “mago” lungun ni rohana i manang gabe lupa ibana tu halak naung mate i. Lam leleng, boi do moru lungun ni rohana i. Memang, olo do muse lungun rohatta molo toppu taingot ibana, manang di ari tertentu songon di ari ulang tahun perkawinan. Jala biasana, godang halak boi do muse malum lungun ni rohana jala boi do muse diulahon ibana ulaonna siganup ari. Alai biasana, sudena i boi diulahon sasahalak ala adong dukungan sian keluarga dohot akka dongan. Jala ibana sandiri berupaya do lao mangatasi i.

Sadia leleng do lungun ni roha i asa boi mago? Piga-piga halak adong do na mulai malum rohana dukkon piga-piga bulan. Alai adong do muse dung sataon, dua taon, manang lobi. * Didok si Alejandro, “Dung tolu taon pe asa boi mulai malum rohakku.”

Jadi, sabar ma hita tu diritta sandiri. Fokus ma hita tu ngolutta saonari. Alani i, unang pola tapikkiri tu aha na lao masa marsogot. Jadi aha do na ikkon taulahon asa boi moru lungun ni rohatta i jala asa unang sai torus lungun rohatta?