Boi do dialusi hamu angka sungkun-sungkun on hombar tu Joujou Paboahon taon 2019?

Aha do lapatan ni janji ni Debata na mandok, “Nasa sinjata na jinadihon mangalo ho, ndang manjadi”? (Jes. 54:17)

Pos ma rohanta, dilinggomi Jahowa do hita sian angka bahaya na dipatudos songon udan haba-haba. (Jes. 25:4, 5) Aha pe na dibahen musu laho mangalo hita, ndang laho boi nasida marhasil.​—w19.01 hlm. 6-7.

Songon dia cara ni Debata patuduhon hatigoranna maradophon halak Kanaan dohot halak Israel na mangalo?

Didok Jahowa laho uhumonna do angka halak na so mambahen na denggan tu angka borua dohot dakdanak. Alai molo setia nasida tu Jahowa jala dibahen na denggan tu angka halak, dipasu-pasu Jahowa do nasida.​—w19.02 hlm. 22-23.

Aha do na ingkon taulahon molo martangiang na so Sitindangi jala hita adong disi?

Tongtong ma hohom jala taargai ma nasida. Alai, unang ma tadok “amen” manang unang ma marsitiopan tangan saleleng dipasahat tangiang i. Ra, boi do martangiang hita di bagasan roha.​—w19.03 hlm. 31.

Sadia balga do dosa ni pelecehan seksual tu dakdanak?

Pelecehan seksual mambahen sasahalak mardosa tu dakdanak na gabe korban i, tu huria, tu pamarenta, dohot tu Debata. Ndang boi angka sintua mangambati pamarenta laho mambahen hukuman tu halak i.​—w19.05 hlm. 9-10.

Aha do na boi diulahon hamu laho paubahon roha dohot pingkiranmuna?

Carana, i ma martangiang tu Jahowa, mangarimangi laho mamboto songon dia dirinta, jala marbisuk mamillit dongan.​—w19.06 hlm. 11.

Aha na boi taulahon sian saonari asa rade mangadopi penganiayaan?

Patogu ma parale-aleon tu Jahowa. Pos ma rohanta na dihaholongi Jahowa do hita jala ndang tadingkononna hita. Jaha ma Bibel ganup ari jala ringgas ma martangiang. Marpos ni roha ma tu Harajaon ni Debata. Ingot ma angka ayat favoritmuna dohot angka ende laho mamuji Jahowa.​—w19.07 hlm. 2-4.

Aha do na boi taulahon laho mangurupi keluarganta asa malua?

Ringkot do patuduhon roha sapangkilalaan. Bahen ma sitiruon na denggan, sabar jala marbisuk ma tingki mangkatai dohot nasida.​—w19.08 hlm. 15-17.

Hombar tu janji ni Jesus na disurat di Mateus 11:28, songon dia hita boi dipatogu?

Tadapot do pengawas, dongan saulaon, dohot tugas na dumenggan.​—w19.09 hlm. 20-23.

Songon dia Jahowa mambahen hita rade jala margogo? (Plp. 2:13)

Tingki tajaha jala mangarimangi Bibel, boi do Jahowa mambahen hita rade jala margogo laho mangulahon lomo ni rohana. Marhite tondi parbadiana, boi do dibahen Ibana asa lam denggan bakat naung adong di hita.​—w19.10 hlm. 20-21.

Angka aha do na ingkon taulahon andorang so mambahen keputusan?

Bahen ma riset. Martangiang ma mangido bisuk. Pingkirhon ma boasa dibahen hamu keputusan i. Bahen ma rencana. Ulahon ma sian nasa tolapmuna.​—w19.11 hlm. 27-29.

Tutu do diajarhon Sibolis tu si Hawa na tongtong mangolu tondi ni halak naung mate?

Daong. Ndang didok Sibolis tu si Hawa, holan dagingna do na mate alai tondina mangolu dope di inganan na asing. Tingki ro Aek na Sumar, diripashon do sude angka ajaran na so sintong. Ra, ajaran na mandok na mangolu dope tondi ni halak naung mate mulai adong andorang so dibahen Debata marserak angka halak na mambangun menara Babel.​—w19.12 hlm. 15.