Mangurupi Ianakhon na Dohot Mangungsi
”On do las ni rohangku na umbolon: Molo hubege, diparangehon angka anakkonku hasintongan i.”
ENDE: 41, 45
1, 2. (a) Hasusaan aha do na jotjot diadopi angka dakdanak na ro sian negara na asing? (b) Sungkunsungkun aha do na laho taulas?
”SIAN mulai tubu, bahasa na diantusi natuatuangku do na hupangke di jabu dohot di huria,” didok si Joshua. ”Alai dung marsingkola, umlomo rohangku mamangke bahasa di inganannami pinda. Dung pigapiga taon, holan bahasa na disi ma na huantusi. Ndang huantusi be na dipaboa di parpunguan, jala gabe asing ma ahu sian natuatuangku.” Ndang holan si Joshua na mangkilala sisongon i.
2 Saonari, lobi sian 240.000.000 halak ndang tading di inganan ni nasida tubu. Molo hamu natuatua na pinda sian negara na asing, songon dia do hamu mangurupi ianakhonmu asa mangkaholongi Jahowa jala ”mangolu di bagasan hasintongan”? (3 Joh. 4, Bibel siganup ari) Songon dia do na asing boi mangurupi?
ANGKA NATUATUA, GABE SITIRUON MA HAMU
3, 4. (a) Songon dia do natuatua mangalehon sitiruon na denggan tu ianakhon? (b) Aha do na so boi dihirim natuatua sian ianakhonna?
3 Hamu natuatua, molo lomo rohamu asa maraleale Mat. 6:33, 34) Ingkon rumingkot do di hamu manjumolohon pangkobasion tu Jahowa sian na mangalului arta. Unang sude dituhori jala unang marutang. Lului ma ’arta di banua ginjang’, na mambahen las roha ni Jahowa. Unang mangalului godang hepeng manang ”hasangapon ni jolma”.
4 Unang ma pasibukhu hamu, gabe ndang adong be tingkimu tu ianakhonmu. Ingkon diboto do na las rohamu mangida nasida manjumolohon partondion, ndang mangului godang hepeng tu dirina sandiri manang tu hamu. Unang ma dihirim rohamu na ingkon sonang hamu bahenon ni ianakhonmu. Ingot ma, ”ai ndang tama angka ianakhon papungupunguhon arta di natuatuana, angka natuatua i di angka anakkonna, i do”.
UNANG MA LOAS BAHASA MANGAMBATI IANAKHONMUNA
5. Boasa natuatua ingkon jotjot paboahon taringot Jahowa tu ianakhonna?
5 Songon naung disurirangkon, angka jolma ”sian saluhut dila ni bangso parbegu” dohot tu organisasi ni Jahowa. (Sak. 8:23) Molo ndang diantusi ianakhonmu bahasamuna, maol ma mangajarhon hasintongan tu nasida. Nasida ma parsiajar Bibel na rumingkot di hamu. Molo nasida ”mananda” Jahowa, boi ma mangolu salelengna. (Joh. 17:3) Laho mangurupi ianakhonmu mangantusi hasintongan Jahowa, ingkon jotjot do ”taringotanmu angka i” tu nasida.
Ianakhonmu do parsiajar Bibel na rumingkot di hamu
6. Molo diparsiajari ianakhonmu do bahasamuna, aha laba na didapot nasida? (Ida gombar di mula ni parsiajaran.)
6 Ra, lomo do roha ni ianakhonmuna marsiajar bahasa na baru tingki di singkola manang sian na asing. Alai, molo jotjot mangkatai hamu tu nasida, disi ma diparsiajari nasida bahasamuna. Molo diantusi do bahasamuna i, lam mura ma nasida paboahon pangkilalaanna tu hamu. Molo boi nasida mamangke lobi sian sada bahasa, gabe lam maju ma pamingkirion ni nasida jala mura mangantusi pangkilalaan ni na asing. Lam tu dengganna ma nasida di ulaon marbarita. Si Carolina na pinda sian negara na asing dohot natuatuana mandok, ”Las hian rohangku marpungu di bahasa na asing. Sonang pangkilalaanku ala boi mangurupi huria na mangkaporluhon pangurupion.”
7. Molo bahasa do na gabe parsoalan di keluargamuna, aha do na boi ulahononmu?
7 Jotjot do ianakhon na baru pinda marsiajar bahasa dohot hasomalan na baru. Alani i, olo do ndang lomo rohanasida manang ndang boi be mangkatai di bahasamuna. Molo on do na masa, olo do hamu marsiajar bahasa ni *
nasida? Asa mura mangurupi nasida gabe halak Kristen, ingkon antusanmu do pangkataion, hiburan na dipillit, dohot tugasna di singkola. Jala boi ma hamu mura mangkatai tu guruna. Tutu, ingkon godang do tingki dohot gogo laho marsiajar bahasa na baru jala ingkon serep rohanta. Alai ndang marisuang na taulahon. Umpamana, molo na ngungu do ianakhonmu, olo do hamu marsiajar bahasana asa boi mangkatai tu ibana? Dos songon i ma dakdanak na ummalo mamangke bahasa na asing sian bahasamuna.8. Molo ndang diantusi hamu bahasa na dipangke ianakhonmuna, songon dia do caramuna mangurupi nasida?
8 Ala maol dihilala natuatua mamangke bahasa ni ianakhonna, olo do gabe maol di nasida mangurupi ianakhonna mangantusi ”surat na badia”. (2 Tim. 3:15) Molo songon i na dihilala hamu, adong dope cara na asing laho mangurupi ianakhonmuna maraleale tu Jahowa. Sahalak sintua na margoar si Shan mandok, ”Ndang pola diantusi omaknami bahasa na dipangke hami, jala hami pe ndang malo mangkatai mamangke bahasa ni omak. Alai, tingki diida hami songon dia ibana marsiajar, martangiang, jala manguluhon panombaon na sasaripe ganup minggu, diboto hami ma mansai ringkot do laho mananda Jahowa.”
9. Songon dia do natuatua mangurupi ianakhonna marsiajar mamangke dua bahasa?
9 Ra, pigapiga dakdanak porlu marsiajar taringot Jahowa mamangke dua bahasa. Boasa? Alana, asing do bahasa na dipangke di singkola dohot di jabu. Alani i, pigapiga natuatua mamangke sijahaon, rekaman audio, dohot video di dua bahasa. Tangkas ma, ingkon marsitutu do natuatua na pinda sian negara na asing laho mangurupi ianakhonna maraleale tu Jahowa.
TU HURIA BAHASA AHA DO HAMU MARPUNGU?
10. (a) Ise do na ingkon manontuhon tu huria na dia keluargana marpungu? (b) Aha do na ingkon diulahon tungganedoli andorang so manontuhon sipilliton?
10 Tingki adong halak panompang na dao ingananna sian Sitindangi na mamangke bahasana, porlu do ibana marpungu di huria na mamangke bahasa di inganan i. (Ps. 146:9) Alai molo adong huria na jonok disi na mamangke bahasa ni nasida, ingkon ditontuhon tungganedoli do tu huria na dia nasida marpungu. Andorang so ditontuhon, ingkon manat do dipingkirhon jala manangiangkon i. Ingkon disungkun do tungganeboru dohot ianakhonna. (1 Kor. 11:3) Aha do na porlu dipingkirhon ibana? Prinsip na dia do sian Bibel na boi mangurupi ibana manontuhon sipilliton?
Ingkon ditontuhon tungganedoli do tu huria na dia nasida marpungu
11, 12. (a) Songon dia do bahasa mangkorhon tu laba na didapot ianakhon sian parpunguan? (b) Boasa pigapiga dakdanak ndang olo marsiajar bahasa ni natuatuana?
1 Korint 14:9, 11.) Somalna, bahasa na diantusi nasida ndang apala mangkorhon tu pangkilalaan dohot pamingkirionna. Sasintongna, boi do pigapiga dakdanak marsiajar mangalehon alus, mambahen presentasi sitiruon, jala marjamita mamangke bahasa ni natuatuana. Alai, ndang i na patuduhon na adong di roha dohot pingkiran ni nasida.
11 Ingkon dipingkirhon natuatua do na ringkot di ianakhonna. Asa diantusi ianakhonmuna hasintongan sian Bibel, ndang sae holan manangihon na diulas di parpunguan ganup minggu. Alai molo bahasa na diantusi ianakhonmuna do na dipangke di parpunguan, mura ma nasida mangantusi na dipaboa jala mandapot godang parsiajaran. Asing muse do situasina molo ndang apala diantusi ianakhonmuna bahasa i. (Jaha12 Ndang holan bahasa na mangkorhon tu roha ni ianakhon. On ma na dihilala si Joshua na dipaboa di artikel on. Itona na margoar si Esther mandok, ”Di ianakhon, sarupa do bahasa, hasomalan, dohot agama ni natuatuana.” Alani i, adong do na so olo marsiajar bahasa dohot agama ni natuatuana, ala didok rohana, ndang sarupa hasomalanna dohot natuatuana. Antong, aha do na ingkon diulahon natuatua?
13, 14. (a) Boasa sada keluarga na ro sian negara na asing pinda tu huria na marbahasa na diantusi ianakhonna? (b) Songon dia do natuatua patoguhon paralealeon tu Jahowa?
13 Rumingkot do di natuatua manggohi na porlu di ianakhonna sian di nasida sandiri. (1 Kor. 10:24) Bapak ni si Joshua dohot si Esther, i ma si Samuel mandok, ”Ahu dohot tungganeborungku mamingkirhon di bahasa dia ma ianakhonnami boi maju di partondion, jala martangiang do hami asa dilehon bisuk. Somalna, na taulahon ndang sai sarupa songon na tahalomohon. Tingki diida hami ndang adong laba na didapot nasida di huria na mamangke bahasanami, pintor pinda ma hami tu huria na mamangke bahasa na diantusi nasida. Rap do hami tu parpunguan jala rap marbarita. Ditogihon hami do muse dongan na disi asa rap mangan jala rap rekreasi. On mangurupi ianakhonnami lam mananda dongan sahaporseaon dohot Jahowa, na songon Ama jala Aleale di nasida. Didok rohanami, rumingkot do mangulahon sisongon on sian apala nasida na marsiajar bahasanami.”
14 Didok si Samuel muse, ”Asa tongtong togu partondionku dohot tungganeborungku, marpungu do hami tu huria na mamangke bahasanami. Ala godang ulaon, olo do loja nihilala. Alai mandok mauliate do hami tu Jahowa, ala dipasupasu ulaonnami. Saonari, tolu ianakhonnami gabe perintis.”
NA BOI ULAHONON NI NA POSO
15. Boasa didok donganta si Kristina tumagon do ibana marpungu di huria na mamangke bahasa na niantusanna?
15 Dung magodang, diboto ianakhon ma dumenggan do marpungu di huria na mamangke bahasa na niantusanna. Molo i do na masa, unang ma dirimpu Ul. 2:11, 41) Tingki marumur 18 taon, dipaboa si Kristina ma taringot on tu natuatuana, lomo rohana pinda tu huria na mamangke bahasana. Didok muse, ”Marsiajar taringot Jahowa di bahasa na huantusi, mangonjar rohangku mangulahon lomo ni rohaNa.” Gabe perintis biasa ma si Kristina jala las situtu rohana.
natuatua na so lomo roha ni ianakhonna tu nasida. Didok si Kristina, ”Huboto do saotik bahasa ni natuatuangku, alai ndang huantusi na dipaboa di parpunguan na mamangke bahasa i. Tingki marumur 12 taon, ro ma ahu tu kebaktian na mamangke bahasa na huantusi. Disi ma huboto, hasintongan do na hubege di kebaktian i! Tingki martangiang mamangke bahasa na huantusi, sian rohangku do ahu martangiang!” (16. Boasa las roha ni si Nadia ala tongtong marpungu di huria na mamangke bahasa ni natuatuana?
16 Hamu angka na poso, lomo do rohamu marpungu di huria na mamangke bahasa na asing? Sungkun ma dirimu, boasa lomo rohamu. Gabe lam solhot do hamu tu Jahowa molo pinda? (Jak. 4:8) Asa unang sai diparrohahon natuatuamuna do umbahen na pinda hamu tusi manang malas marsiajar? Si Nadia na mangurupi di Betel mandok, ”Dung remaja, lomo do rohanami pinda tu huria na mamangke bahasa na diantusi hami.” Alai diboto natuatua ni si Nadia, ndang denggan annon paralealeon ni nasida tu Jahowa molo pinda huria ibana. Didok si Nadia, ”Mandok mauliate do hami tu natuatuanami ala ndang dipaloas hami pinda huria jala marsitutu mangajari hami mamangke bahasa ni nasida. On mambahen las roha jala mambahen hami rade mangurupi na asing asa mananda Jahowa.”
PANGURUPION SIAN HALAK NA ASING
17. (a) Tu ise do dilehon Jahowa tanggung jawab laho pagodanggodangkon ianakhon? (b) Songon dia do natuatua mandapot pangurupion tingki mangajarhon hasintongan tu ianakhonna?
17 Dilehon Jahowa do tanggung jawab tu natuatua asa mangajarhon hasintongan tu ianakhonna. Ndang tu ompung manang tu na asing. (Jaha Poda 1:8; 31:10, 27, 28.) Natuatua na so mangantusi bahasa ni ianakhonna porlu mangido pangurupion asa boi mandodo roha ni ianakhon. Ndang na so martanggung jawab nasida laho pagodanggodangkon ianakhonna molo mangido pangurupion. Sasintongna, pangurupion sian na asing mambahen nasida boi pagodanggodangkon ianakhon ”di bagasan ajar dohot poda ni Tuhan i”. (Eps. 6:4) Umpamana, boi do dipangido natuatua pangurupion sian sintua taringot panombaon na sasaripe dohot patuduhon dongan na burju tu ianakhonna.
Rap mandapot laba do ianakhon dohot natuatuana tingki marsaor dohot dongan di huria (Ida paragraf 18, 19)
18, 19. (a) Songon dia do halak Kristen na asing mangurupi angka na poso? (b) Aha do na ingkon tongtong diulahon natuatua?
18 Laho mangurupi ianakhonna, olo do ditogihon natuatua dongan na asing dohot tu panombaon na sasaripe na binahen ni nasida. Asing ni i, marsiajar do angka na poso sian halak Kristen na asing tingki rap marbarita dohot mangulahon ulaon na asing. (Poda ) Si Shan na dipaboa di artikel on mandok, ”Huingot do pangurupion ni donganta tu ahu. Diurupi do ahu paradehon jamita latihan, jala godang na huparsiajari sian i. Asing ni i, las do rohangku tingki marsaor dohot nasida.” 27:17
19 Tontu, halak na dipillit natuatua mangurupi ianakhonna, ingkon boi patoguhon ianakhonna jala mangurupi patuduhon pangargaion tu natuatuana. Ingkon angka na denggan do na dipaboa taringot natuatuana, jala unang gabe nasida na martanggung jawab pagodanggodangkon ianakhon i. Asing ni i, ingkon dipasiding do ulaon na boi mambahen sala pamingkirion ni dongan di huria dohot halak na asing. (1 Ptr. 2:12) Nang pe dipangido natuatua pangurupion sian na asing, alai tanggung jawab ni nasida do mangajarhon hasintongan tu ianakhon. Ingkon diparrohahon do songon dia pangurupion na dilehon tu ianakhonna.
20. Songon dia do natuatua mangurupi ianakhonna gabe naposo ni Jahowa na marsihohot?
20 Hamu angka natuatua, martangiang ma mangido pangurupion tu Jahowa, jala ulahon na dumenggan. (Jaha 2 Kronika 15:7.) Haringkothon ma paralealeon ni ianakhonmu tu Jahowa, unang mangkaringkothon diri sandiri. Pos ma rohamu, boi do nasida gabe sisomba Jahowa. Molo diihuthon tudutudu sian Debata jala ditiru parangemuna, sarupa ma pangkilalaanmu songon apostel Johannes na mandok, ”On do las ni rohangku na umbolon: Molo hubege, diparangehon angka anakkonku hasintongan i.”
^ par. 7 Ida ma artikel ”Anda Pasti Bisa Belajar Bahasa Lain!” di Sedarlah! Maret 2007, halaman 10-12.