Unang ma Paloas Lam Ngali Holongmuna
”Ala na lam rarat na so uhum, lam tu ngalina ma haholongon ni roha di jolma godangan.”
ENDE: 23, 24
1, 2. (a) Tu ise do tarlumobi hata ni Jesus di Mateus 24:12 i ditujuhon? (b) Songon dia do buku Ulaon ni Apostel patuduhon adong halak Kristen di abad na parjolo na tongtong patoguhon holongna? (Ida gombar di mula ni parsiajaran.)
TINGKI di tano on dope Jesus, dipatorang ibana do angka aha na gabe ”tanda ni ujung ni portibi on”. Didok ibana, ”Lam tu ngalina ma haholongon ni roha di jolma godangan.” (Mat. 24:3, 12) Mangangku halak Jahudi di abad na parjolo naposo ni Debata, alai sasintongna lam ngali do holong ni nasida tu Debata.
2 Alai, godang do halak Kristen di abad na parjolo na so marparange sisongon i. Marhiras ni roha do nasida ”mamaritahon Kristus Jesus” jala mangkaholongi Debata, dongan sahaporseaon, dohot angka halak na so mamboto hasintongan. Tongtong do dipatogu nasida holongna tu Debata. (Ul. 2:44-47; 5:42) Alai, adong do pigapiga halak Kristen na paloashon lam ngali holongna tu Debata. Sian dia taboto?
3. Aha do na mambahen lam ngali holong ni pigapiga halak Kristen?
Pgk. 2:4) Ra, gabe diihuthon nasida do angka jolma di humaliangna na holan pasonangkon dirina sandiri. (Eps. 2:2, 3) Kota na mora do Epesus, jala halak disi holan mangalului hasonangan dohot hamoraon. Angka halak na disi pe mangulahon na rorang jala ndang olo mangihuthon Patik ni Debata. Umlomo do roha ni nasida pasonangkon diri sian mangkaholongi Debata dohot dongan na asing.
3 Didok Jesus tu halak Kristen di Epesus, ”Naung tinadingkonmu holong ni roham na di mulana i!” (4. (a) Boasa lam ngali holong ni roha saonari? (b) Adong tolu holong na ingkon tapatogu. Angka aha ma i?
4 Saonari pe, digohi do hata ni Jesus taringot holong na lam ngali. Ndang godang be halak na mangkaholongi Debata. Tingki laho pasaehon parsoalan di portibi on, marhaposan tu pamarentaon ni jolma do nasida, ndang tu Debata. Gabe lam ngali ma holong ni roha di jolma. Jala, boi do masa sisongon on tu naposo ni Jahowa songon na masa tu huria di Epesus. Alani i, taulas ma taringot tolu holong na ingkon tapatogu: (1) holong tu Jahowa, (2) holong tu hasintongan sian Bibel, jala (3) holong tu dongan sahaporseaon.
HOLONG TU JAHOWA
5. Boasa ingkon tahaholongi Debata?
5 Ise do na rumingkot na ingkon tahaholongi? Jesus mandok, ”Sihaholonganmu do Tuhan Debatam sian nasa ateatem, sian nasa hosam dohot sian nasa roham! I do patik raja jala parjolo.” (Mat. 22:37, 38) Holongta tu Debata mambahen hita mangoloi parentaNa, tongtong marsihohot, jala mangkasogohon na jahat. (Jaha Psalmen 97:10.) Alai, lomo roha ni Sibolis dohot portibi on asa unang tahaholongi be Debata.
6. Aha do na masa molo lam ngali holong ni sasahalak tu Debata?
6 Sala do pamingkirion ni portibi on taringot holong. Umlomo do roha ni nasida ”mangkaholongi dirina” sian mangkaholongi Debata. (2 Tim. 3:2) Rumingkot do di nasida ”lomolomo ni roha ni daging, giotgiot ni roha ni mata dohot na manenganengahon sinadongan”. (1 Joh. 2:16) Dipasingot apostel Paulus do taringot aha na masa molo taharingkothon giotgiot ni rohanta. Didok ibana, ”Hamatean do harohaon ni daging.” Boasa songon i? Alana, musu ni Debata do jolma na mangkaringkothon dirina sandiri. (Rom 8:6, 7) Molo rumingkot do hepeng dohot giotgiot ni daging di sasahalak, gabe hansit do parngoluonna.
7. Pamingkirion na sala na songon dia do na boi mangkorhon tu hita?
7 Saonari, godang na so porsea tu Debata jala ndang porsea na tutu adong Debata. Ditogihon nasida do angka halak asa mangihuthon nasida. Didok nasida, holan halak na oto dohot na so marsingkola do na mangkaporseai Sipanompa. Alani i, gabe panulingkit do na dipasangap gumodang halak sian Sipanompa. (Rom 1:25) Boi do pamingkirion sisongon on mangkorhon tu hita. Gabe ndang togu paralealeonta tu Jahowa, jala lam ngali holong ni rohanta.
8. (a) Situasi aha do na boi mambahen metmet rohanta? (b) Songon dia do Psalmen 136 mangapuli rohanta?
8 Ala mangolu di portibi na nirajaan ni Sibolis dope hita, godang do situasi na mambahen metmet rohanta. (1 Joh. 5:19) Alai molo tapaloas metmet ni roha i adong di hita, gabe gale ma haporseaonta jala lam ngali ma holong ni rohanta tu Debata. Umpamana, olo do gabe metmet rohanta ala lam matua, marsahit, manang humurang di parhepengon. Asing ni i, olo do lungun rohanta ala ndang boi mangulahon ulaon songon na tahirim. Olo do jut rohanta ala ndang songon na tahirim na masa di parngoluonta. Aha pe na taadopi, unang ma tadok na ditadingkon Jahowa hita. Rimangi ma hata na disurat di Psalmen 136:23, ”Ibana marningot hita di hajimputonta i, ai ro di salelenglelengna do asi ni rohana.” Pos ma rohanta, tangihonon ni Jahowa do tangiangta jala dialusi Ibana do i.
9. Aha do na mangurupi si Paulus tongtong patoguhon holongna tu Debata?
9 Jotjot do apostel Paulus mangarimangi cara ni Jahowa mangurupi ibana. On ma na mambahen ibana togu. Didok ibana, ”Tuhan i do pangurupi di ahu, ndang mabiar ahu; aha ma bahenon ni jolma tu ahu?” (Heb. 13:6) Tingki marsitaonon, pos do roha ni si Paulus tu pangurupion ni Jahowa. Tingki adong situasi na maol, marhaposan tu Jahowa do ibana. Tingki di penjara pe, disurat ibana do hata na patoguhon roha tu angka dongan sahaporseaon. (Eps. 4:1; Plp. 1:7; Plm. 1) Aha pe na diadopi si Paulus, tongtong do togu holongna tu Jahowa. Marhaposan do ibana tu ’Debata, Sipangapul na sumurung! Na mangapuli di bagasan saluhut haporsuhon’. (2 Kor. 1:3, 4) Songon dia do hita maniru si Paulus?
Haholongi ma Jahowa (Ida paragraf 10)
10. Songon dia do asa tongtong togu holongta tu Jahowa?
1 Tes. 5:17; Rom 12:12) Boasa tangiang mambahen hita lam jonok tu Debata? Alana tingki martangiang, mangkatai do hita tu Jahowa. On ma na mambahen hita maraleale tu Ibana. (Ps. 86:3) Molo tapaboa na di bagasan roha dohot pingkiranta tu Debata, lam jonok ma hita tu Ibana. (Ps. 65:3) Asing ni i, lam togu do holongta tu Jahowa molo taboto na dialusi Ibana tangiangta. Gabe pos rohanta ”donok do Jahowa di sude angka na manjou Ibana”. (Ps. 145:18) Molo pos rohanta tu pangurupion sian Jahowa, boi ma hita mangadopi sitaononta saonari dohot di ari na naeng ro.
10 Dipatorang si Paulus, adong sada cara asa tongtong togu holongta tu Debata. Didok ibana, ”Unang mansadi hamu martangiang!” Didok muse, ”Jugulhon hamu ma tangiang!” (HOLONG TU HASINTONGAN NA SIAN BIBEL
11, 12. Aha do na boi taulahon asa lam tahaholongi hasintongan na sian Bibel?
11 Tontu tahaholongi do hasintongan, jala di Bibel do tadapot hasintongan. Didok Jesus tu Jahowa, ”Hatami do hasintongan.” (Joh. 17:17) Asa holong rohanta tu hasintongan na sian Bibel, ingkon taboto do isi ni Bibel. (Kol. 1:10) Alai adong dope na porlu taulahon. Parrohahon ma na didok panurat ni Psalmen 119 asa taboto na porlu taulahon. (Jaha Psalmen 119:97-100.) Ganup ari, ingkon tarimangi jala tapingkirhon do na tajaha sian Bibel. Lam holong ma rohanta tu hasintongan na sian Bibel molo tarimangi laba na tadapot.
12 Panurat ni psalmen mandok, ”Tumonggi do bagabagami didai aruarungku sian situak ni loba di pamanganku.” (Ps. 119:103) Publikasi na diparade organisasi ni Debata dipatudos songon sipanganon na tabo. Molo adong sipanganon na tahalomohon, tontu talehon do tingki laho mangallang i. Suang songon i, talehon do tingki laho marsiajar. Dung i, las ma rohanta marsiajar hata hasintongan. Mura ma taingot na taparsiajari jala mamangke i mangurupi na asing.
13. Aha do na mangurupi si Jeremia mangkaholongi hata ni Debata? Songon dia do i mangkorhon tu dirina?
13 Dihaholongi si Jeremia do hata ni Debata. Didok ibana, ”Dung jumpang ahu hatamu, gabe husohali do i, jala hatamu do lomo dohot las ni rohangku ala naung targoar ahu tu goarmu, ale Jahowa Debata Zebaot!” (Jer. 15:16) Dirimangi jala dihaholongi si Jeremia do Hata ni Debata. Las do rohana boi gabe panurirang ni Jahowa jala pasahathon hataNa. Molo holong rohanta tu hasintongan na sian Bibel, taboto ma hak na sumurung do di hita gabe Sitindangi Ni Jahowa dohot mamaritahon barita na uli di tingki parpudi on.
Haholongi ma hasintongan sian Bibel (Ida paragraf 14)
14. Aha do muse na boi taulahon asa lam tahaholongi hasintongan na sian Bibel?
14 Asa lam tahaholongi hasintongan na sian Bibel, ingkon ringgas do hita marpungu, ala disi do hita diajari Jahowa. Siulason ganup minggu mamangke Joujou Paboahon, i ma sada cara na Joujou Paboahon mamangke perangkat elektronik, alana nunga adong majalah on di marragam bahasa di jw.org dohot di aplikasi JW Library. Publikasi elektronik boi mangurupi hita pintor manjaha ayat na dienet. Molo taparsiajari ganup artikel, manat tajaha, jala tarimangi sude ayat na dibahen, lam togu ma holongta tu hasintongan na sian Bibel.
HOLONG TU DONGAN SAHAPORSEAON
15, 16. (a) Songon na disurat di Johannes 13:34, 35, aha do parenta ni Jesus tu hita? (b) Boasa holongta tu Debata dohot tu Bibel mangkorhon tu holongta tu dongan sahaporseaon?
15 Di borngin andorang so mate, didok Jesus tu siseanna, ”Patik na imbaru ma hulehon tu hamu: Naeng ma masihaholongan hamu; songon holong ni rohangku di hamu, naeng ma songon i dohot hamu masihaholongan. Apala sian on ma tandaon ni halak saluhutna, hamu siseanku: Molo masihaholongan hamu.”
16 Adong do pardomuan ni holong tu Jahowa dohot holong tu dongan sahaporseaon. Molo ndang tahaholongi Debata, ndang boi tahaholongi dongan sahaporseaonta. Molo ndang tahaholongi dongan sahaporseaon, ndang boi tahaholongi Debata. Didok apostel Johannes, ”Ai na so mangkaholongi donganna na niidana, tung songon dia ma haholonganna Debata na so niidana?” (1 Joh. 4:20) Asing ni i, holongta tu Jahowa dohot tu dongan mangkorhon do tu holongta tu Bibel. Boasa? Alana molo tahaholongi na taparsiajari sian Bibel, gabe taoloi ma parenta laho mangkaholongi Debata dohot dongan sahaporseaon.
Haholongi ma dongan sahaporseaon (Ida paragraf 17)
17. Songon dia do caranta patuduhon holong tu dongan sahaporseaon?
1 Tessalonik 4:9, 10. Songon dia do caranta patuduhon holong tu dongan sahaporseaon? Ra, dihaporluhon donganta naung matua do pangurupion laho mangalap jala manaruhon nasida sian parpunguan. Ra, donganta borua naung mabalu mangkaporluhon pangurupion laho padengganhon na sega di jabuna. (Jak. 1:27) Alani i, taurupi jala taparrohahon ma donganta na marmetmet ni roha, na marsak, manang na marsitaonon. (Poda 12:25; Kol. 4:11) Marhite pangkataion dohot parniulaonta, tapatudu ma holong ”tu donganta sahaporseaon”.
18. Aha do na mangurupi hita laho pasaehon parsoalan dohot dongan sahaporseaon?
18 Didok di Bibel, di ”tingki parpudi” on, godang do halak na mangkaringkothon diri jala mangahut. (2 Tim. 3:1, 2) Alani i, ingkon marsitutu do hita patoguhon holongta tu Jahowa, tu HataNa, dohot tu dongan sahaporseaon. Ala mardosa dope hita, sipata adong do parsoalanta dohot dongan sahaporseaon. Alai, ala masihaholongan, pintor tasalpuhon do angka parsoalan dohot hansit ni roha. (Eps. 4:32; Kol. 3:14) Unang ma tapaloas lam ngali holong ni rohanta! Alani i, tongtong ma tahaholongi Jahowa, HataNa, dohot dongan sahaporseaon.