Manang aha pe na tapikkirhon, boi do mambahen las roha ni Debata manang mambahen Ibana kecewa. (Jeremia 17:10) Memang ikkon tapadao do diritta sian akka hata manang pambahenan na boi mambahen haccit roha ni halak. Alai dang sae holan i. Alana, sian roha dohot pikkiran do dimulai sogo ni roha i. Jadi, molo nga mulai adong sogo ni roha di bagasan pikkiranta, pittor tabolokkon ma i. Molo taulahon i, boi ma hita “paubahon” pikkiranta jala dang menular be sogo ni rohatta i tu halak na asing.

Pareso hamu ma songon dia perasaan dohot pandanganmuna tu halak na asing, tarlumobi tu halak na sian suku manang bangso na asing. Sukkun ma tu dirimuna: ‘Boha do penilaianku tu nasida? Memang takkas do hutanda nasida? Manang, na berprasangka do au tu nasida?’ Asing ni i, unang ma tajaha manang tatonton film, sosial media, manang hiburan na patuduhon sogo ni roha dohot kekerasan.

Memang sipata maol do lao mamareso diritta. Alai boi do Hata ni Debata “patuduhon na adong di roha dohot na adong di pikkiranta”. (Heber 4:12) Jadi taparsiajari ma isi ni Bibel. Bandingkon ma na taparsiajari tu cara marpikkirta saleleng on. Jala berusaha ma hamu asa boi sadalan cara marpikkirmuna tu Hata ni Debata. Boi do Hata ni Debata mangurupi hita mambolokkon sogo ni roha, nang pe ‘naung togu i’ marurat di roha dohot di pikkiranta.​—2 Korint 10:4, 5.