BOHA DO CARANA ASA DANG MARSOGO NI ROHA BE TU NA ASING?
2 | Unang ma Balas Dendam
Na Didok Bibel:
“Tikki dibahen sasahalak na jahat tu hamu, unang ma balosson na jahat tu ibana. . . . Molo boi dope, bahen hamu ma sian nasa tolapmuna lao mardame tu sude halak. . . . Ai tarsurat do ‘Au do na marhak mambalos. Balosokku do hajahaton ni nasida,’ ninna Jahowa.”—ROM 12:17-19.
Lapatanna:
Memang pasti muruk do hita molo adong na mambahen na jahat tu hita. Alai dang lomo roha ni Debata molo gabe balas dendam hita. Jala dijujui Ibana do hita asa sabar paimahon Ibana na bertindak.—Psalmen 37:7, 10.
Na Boi Diulahon Hamu:
Molo balas dendam hamu, boi do gabe menular sogo ni rohamuna i tu na asing. Alani i molo adong halak mambahen haccit rohamuna manang mambahen na jahat tu hamu, unang ma balas dendam. Berusaha ma hamu asa tetap tenang jala marroha na dame. Sipata, tumagon do pittor dimaafhon hamu kesalahanna. (Poda 19:11) Alai molo serius do masalahna, boi do i dilaporhon hamu tu kalangan berwenang. Misalna molo adong kasus kekerasan manang kejahatan, boi do hamu melaporhon i tu polisi manang tu kalangan berwenang na asing.
Hita do na susa molo balas dendam
Boha molo dang marnasae masalahmuna nang pe nga dibahen hamu cara na denggan lao pasaehon i? Unang ma balas dendam. Alana, gabe lam parah do situasina molo balas dendam hamu. Jadi bolokkon ma sogo ni rohamuna, asa dang marsambung-sambung i tu na asing. Pos ma rohamuna, cara ni Jahowa do na terbaik lao pasaehon masalah i. Alani i ma didok Bibel, “Ibana ma pangasahon, urupanna do ho.”—Psalmen 37:3-5.
Mungkin Lomo do Rohamuna Mamboto
BIBEL MAMBAHEN DENGGAN NGOLUKKU
Songon dia Holong Boi Manaluhon Sogo ni Roha?
Dang mura memang mambolokkon prasangka i. Alai adong do akka donganta halak Jahudi dohot halak Palestina naung berhasil mangulahon i.
ALUS NI BIBEL
Aha do na Didok Bibel taringot Balas Dendam?
Nasehat sian Bibel boi mangurupi halak asa unang balas dendam.
