Parduli do Debata tu Hamu
GODANG do nasehat na bermanfaat na dipaboa di Bibel, alana sian Debata do Bibel i. Memang dang bukku kesehatan Bibel. Alai boi do nasehat na sian Bibel mangurupi hita tikki menghadapi masalah. Boi do muse Bibel menghibur jala patoguhon hita tikki marsak, tikki lungun rohatta, manang tikki mengalami gangguan mental.
Na paling penting, boi do Bibel paposson rohatta holan Debata Jahowa a do na paling mangattusi perasaanta dohot na umboto isi pikkiranta. Jala lomo hian do rohana lao mangurupi hita tikki adong masalahta. Taida ma buktina di dua ayat on:
“Jonok do Jahowa tu halak na mandele. Dipalua Ibana do akka halak na marmetmet ni roha.”—PSALMEN 34:18.
“Au do Jahowa Debatam na maniop tangan kananmu, jala Au do Debata na mandok tu ho, ‘Unang ho mabiar. Urupanku do ho.’”—JESAYA 41:13.
Molo mengalami gangguan mental hita, songon dia do cara ni Jahowa mangurupi hita? Di artikel na mangihut taida ma bukti na patuduhon parduli hian do Debata Jahowa tu hita.
a Jahowa, i ma goar ni Debata.—Psalmen 83:18.
