Tongtong Mangihuthon Hasintongan
“Sai ajarhon ma tu ahu, ale Jahowa, dalanmu, asa marpangalaho ahu di bagasan hasintonganmi.”—PS. 86:11.
1-3. (a) Ingkon songon dia do pangkilalaanta tu hasintongan? Paboa ma tudosanna. (Ida gombar di mula ni parsiajaran.) (b) Aha na laho taulas di parsiajaran on?
SOMAL do halak saonari paulakhon barang na dituhor sian toko, tarlumobi na dituhor sian internet. Ra, ala ndang songon na di rohana barang na dituhor i manang ala naung sega. Asing ni i, adong do na mangido asa diganti barang i manang dipaulak hepengna.
2 Alai hasintongan, ndang dos songon barang i. Songon naung taulas di parsiajaran naung salpu, talehon do tingkinta laho marsiajar Bibel jala tatadingkon karejo na balga gajina. Ndang taihuthon be hasomalan dohot adat na dihasogohon Debata. Tapauba do parniulaon dohot pingkiranta. Dung marsiajar Bibel, gabe ndang solhot be hita tu keluarga manang tu donganta. Alani i, molo nunga ‘tatuhor’ manang tadapot hasintongan, unang ma olo hita ‘manggadis’ manang maninggalhon i. (Jaha Poda 23:23; 1 Tim. 2:4) Pos ma rohanta, ummarga do pasu-pasu na tadapot sian pengorbanan naung tabahen.
3 Dibahen Jesus do tudosan laho paboahon na mansai arga do hasintongan i. Dipatudos ma i songon sahalak partiga-tiga na mangalului mutiara na arga. Digadis ibana do sude artana asa boi manuhor mutiara i. Mutiara i, manggombarhon Harajaon ni Debata. Suang songon i ma hasintongan i di angka halak na mangalului. (Mat. 13:45, 46) Hasintongan, i ma Harajaon ni Debata dohot parbinotoan na mansai arga na sian Bibel. Dung tadapot hasintongan i, tontu olo do hita mambahen pengorbanan. Molo ringkot do i di hita, tontu ndang olo hita maninggalhon i. Alai, adong do naposo ni Debata na olo maninggalhon hasintongan. Unang ma olo hita songon nasida! Ingkon taihuthon do tudu-tudu ni Bibel na mandok, ‘Ihuthon ma hasintongan i.’ (Jaha 3 Johannes 2-4.) Lapatanna, ingkon taharingkothon do hasintongan i di ngolunta. Alai, boasa adong na gabe maninggalhon hasintongan i? Songon dia asa unang tatadingkon hasintongan i? Jala songon dia asa lam ‘taihuthon hasintongan’ i?
BOASA ADONG NA MANINGGALHON HASINTONGAN?
4. Di tingki ni Jesus, boasa adong na maninggalhon hasintongan?
4 Di tingki ni Jesus, adong do na olo manjalo hasintongan. Alai di pudian ni ari, ditinggalhon nasida do hasintongan i. Dung dibahen Jesus mukjizat mangalehon torop halak mangan, diihuthon nasida do Jesus sahat tu bariba ni Laut Galilea. Alai songgot do roha ni nasida tingki didok Jesus, “Molo ndang dipangan hamu daging ni Anak ni jolma i jala ndang diinum hamu mudarna, ndang dapotmuna hangoluan.” Ndang disungkun nasida Jesus aha do lapatan ni hatana i. Didok nasida do, “Ndang tarjalo hatana i. Ise ma na olo manangihon i?” Ujungna, “godang ma sian angka sisean ni Jesus na mulak tu ulaon ni nasida hian jala ndang diihuthon nasida be ibana”.—Joh. 6:53-66.
5, 6. (a) Di tingkinta saonari, boasa adong na maninggalhon hasintongan? (b) Songon dia do sasahalak boi gabe mandao sian Jahowa?
5 Saonari on, adong do na gabe maninggalhon hasintongan. Boasa? Ra, ala ndang setuju nasida tu pemahaman na terbaru. Manang adong parniulaon dohot pangkataion ni donganta na mambahen hansit rohana. Asing ni i, ndang lomo rohana tu donganta na mangalehon sipasingot sian Bibel. Manang ala marsoal dohot dongan di huria. Na asing, adong na gabe mangihuthon ajaran ni halak na murtad. On ma na mambahen adong na gabe maninggalhon Jahowa dohot huria. (Heb. 3:12-14) Sasintongna, ndang masa songon i molo porsea nasida tu Jesus songon si Petrus! Alana tingki didok Jesus tu apostelna boasa ndang diihuthon nasida angka na torop i, didok si Petrus do “Ale Tuan, tung tu ise ma hami laho? Di ho do hata hangoluan na saleleng ni lelengna.”—Joh. 6:67-69.
Heb. 2:1) Sasahalak na naeng maup, olo do ndang disadari na naeng maup ibana. Dos songon i ma, molo dipaloas sasahalak gale parale-aleonna tu Jahowa, lam leleng gabe lam dao ma ibana sian Jahowa. Ujungna, gabe ditinggalhon ma Jahowa. Songon dia do asa unang masa i tu hita?
6 Na asing, adong do na so sadar nunga lam dao ibana sian Jahowa. Dipatudos ma i songon solu na di topi ni tao. Molo ndang diingkat solu i, lam leleng boi do i gabe dao sian topi ni tao i. Jala ujungna, boi gabe maup. Didok Bibel, ingkon manat do hita “asa unang maup”. (SONGON DIA ASA UNANG TATADINGKON HASINTONGAN I?
7. Aha do na ingkon taulahon asa unang tatinggalhon hasintongan?
Ingkon taulahon do sude hata ni Debata
7 Asa tongtong hita marale-ale tu Jahowa, ingkon tajangkon jala taoloi ma sude hatana. Ingkon hasintongan i do na rumingkot di ngolunta. Jala, ingkon taulahon do sude prinsip ni Bibel. Marjanji do Raja Daud tu Jahowa. Didok ibana, “Asa marpangalaho ahu di bagasan hasintonganmi.” (Ps. 86:11) Tongtong do diihuthon si Daud Hata ni Debata. Alani i, tatiru ma ibana. Alana molo ndang taharingkothon be Hata ni Debata, olo do gabe sai taingot-ingot angka naung tatinggalhon hian. Alani i, ingkon taulahon do sude Hata ni Debata. (Joh. 16:13) Di parsiajaran naung salpu, nunga taulas angka naung tatinggalhon asa mangihuthon hasintongan. Saonari, taulas ma songon dia carana asa unang taingot-ingot be angka naung tatinggalhon i.—Mat. 6:19.
8. Molo ndang marbisuk hita mamangke tingki, aha do na boi masa? Paboa ma sada pengalaman.
8 Tingki. Asa unang tatinggalhon hasintongan, ingkon marbisuk do hita mamangke tingki. Alana molo ndang marbisuk hita, boi do gabe suda tingkinta rekreasi, marinternet, manonton TV dohot mangulahon hobitta. Sasintongna, ndang sala mangulahon i. Alai boi do tapangke tingkinta i laho marsiajar dohot marbarita. Songon pengalaman ni si Emma. * Sian na gelleng, marhoda do hobina. Alai dirimangi ibana ma, nunga godang suda tingkina laho mangulahon hobina i. Ditonton ibana ma pengalaman ni si Cory Wells na hobina dohot tu kompetisi rodeo, i ma pertandingan marhoda. * Dung ditonton pengalaman i, gabe marbisuk ma ibana mamangke tingkina. Diboto ma aha na rumingkot di ngoluna. Gabe godang ma tingkina laho manomba Jahowa, raphon keluarga dohot tu dongan sahaporseaonna. Dihilala ibana ma nunga lam solhot parale-aleonna tu Jahowa. Jala las do rohana ala marbisuk mamangke tingkina.
9. Aha do na mambahen arta gabe na rumingkot di hita?
9 Arta. Asa tongtong taihuthon hasintongan, unang ma gabe arta na rumingkot di ngolunta. Alana, dung marsiajar Bibel, taboto ma manomba Jahowa do na rumingkot di ngolunta sian mangalului arta. Las do rohanta mandapot hasintongan i, nang pe ingkon berkorban. Alai lam leleng, olo do gabe mangiburu hita mangida halak ala godang hepengna, boi manuhor barang na baru jala marsonang-sonang. Molo songon i do na masa, boi do gabe arta muse na sai tapingkirhon jala ndang marlas ni roha be hita manomba Jahowa. Rimangi ma taringot si Demas, umlomo do rohana tu arta na ‘di portibi on’. Gabe ditadingkon ibana ma si Paulus dohot tugas na dilehon tu ibana. (2 Tim. 4:10) Ndang diharingkothon be manomba Debata jala ndang olo be ibana berkorban. Parsiajaranna, molo ndang manat hita, boi do gabe sai taingot-ingot muse angka naung tatinggalhon hian. Jala gabe ndang tahaholongi be hasintongan i.
10. Asa tongtong taihuthon hasintongan, aha do na ingkon taulahon?
10 Ndang solhot be tu na asing. Asa tongtong taihuthon hasintongan, unang ma mabiar hita tu halak na so manomba Jahowa. Dung marsiajar Bibel hita, adong do ra na mangargai haporseaonta. Alai adong do ra keluarganta na gabe marsogo ni roha tu hita. Ujungna gabe ndang solhot be hita dohot nasida. (1 Ptr. 4:4) Nang pe songon i, ingkon tongtong do tabahen na denggan tu nasida. Jala ingkon manat do hita asa unang sampe mangalanggar prinsip ni Bibel laho pasonangkon nasida. Alani i, taingot ma 1 Korint 15:33, ingkon angka sisomba Jahowa do na gabe ale-alenta.
11. Aha do na boi mangurupi hita asa tongtong ias pingkiran dohot ulaonta?
11 Pingkiran dohot ulaon na roa. Asa tongtong taihuthon hasintongan, ingkon denggan ma parniulaonta di adopan ni Jahowa. (Jes. 35:8; jaha 1 Petrus 1:14-16.) Dung marsiajar Bibel, rade do hita paubahon pangalahonta hombar tu hata ni Debata. Adong do sian hita na ingkon godang mambahen hamubaon. Alani i, ingkon manat do hita asa unang mulak muse songon pangalahonta najolo i. Aha do na boi mangurupi hita asa unang songon i? Rimangi ma na dibahen Jahowa tu hita asa tongtong ias di adopanna. Dilehon Ibana do anakna, i ma Jesus Kristus na gabe tobusan. (1 Ptr. 1:18, 19) Alani i, ingkon tongtong ma taingot tobusan i.
12, 13. (a) Boasa ingkon sarupa pangkilalaanta dohot Jahowa taringot perayaan? (b) Aha do muse na laho taulas?
12 Adat dohot hasomalan na dihasogohon Debata. Ra, adong do keluarga, dongan karejo, manang dongan sasingkolanta na manogihon hita asa dohot tu perayaan ni nasida. Aha do na boi mangurupi hita asa unang dohot tu perayaan na so dihalomohon Eps. 5:10) Molo porsea hita tu Jahowa dohot tu Bibel, ndang mabiar be hita tu jolma.—Poda 29:25.
Jahowa? Ingkon taboto do aha na mambahen ndang lomo roha ni Jahowa tu perayaan i. Boi do tariset sian publikasinta songon dia mula ni perayaan i. Dung tarimangi aha na didok Bibel, gabe taboto ma boasa ndang boi hita dohot tu perayaan i. Alani i, pos ma rohanta ala nunga taulahon angka “na hinalomohon ni Tuhan” i. (13 Lomo do rohanta asa tongtong taihuthon hasintongan. Aha do na boi mangurupi hita asa tongtong mangihuthon hasintongan? Adong tolu na boi taulahon.
CARA ASA MARSITUTU MANGIHUTHON HASINTONGAN
14. (a) Songon dia carana asa unang tatinggalhon hasintongan? (b) Boasa tahaporluhon bisuk, pangajarion, dohot pangantusion?
14 Na parjolo, tongtong ma taparsiajari Bibel jala tarimangi. Ingkon taratur do i taulahon. Molo tongtong diparsiajari hamu Bibel, lam holong ma rohamuna tu hasintongan jala ndang olo hamu maninggalhon i. Songon na didok Poda 23:23, Bibel siganup ari, “Tuhor ma hasintongan”, jala tuhor “habisuhon, pangajarion dohot pangantusion”. Lapatanna, ndang sae holan mamboto hasintongan sian Bibel. Alai ingkon taulahon do i. Molo marbisuk hita, gabe taronjar ma rohanta mangulahon naung taboto. Sipata, hasintongan i do na paingothon hita asa mambahen hamubaon. Pintor taulahon ma i. Alana, ummarga do hata ni Debata sian perak.—Poda 8:10.
15. Boasa dipatudos hasintongan i songon ikat pinggang?
15 Na paduahon, ingkon tongtong ma taulahon na taparsiajari. Di Bibel, dipatudos do hasintongan i songon ikat pinggang ni sahalak tentara. (Eps. 6:14) Najolo molo naeng marporang sahalak tentara, ingkon gomos do dibahen ikat pinggangna. Molo ndang dibahen songon i, olo do gabe bahaya manang gabe targanggu ibana tingki marporang. Suang songon i ma hasintongan i, ingkon gomos do i tatiop. Molo gomos tatiop hasintongan i, boi ma tapasiding pingkiran na sala. Jala boi ma hita mambahen keputusan na denggan. Jadi songon sahalak tentara na ingkon mamangke ikat pinggang tingki laho marporang, hita pe unang ma tatinggalhon hasintongan. Jala taulahon ma aha na naung taparsiajari. Ikat pinggang ni tentara i, boi do muse gabe inganan ni podangna. Jadi aha do na boi taparsiajari sian i? Taulas ma.
16. Boasa mangajari halak boi mangurupi hita tongtong mangihuthon hasintongan?
16 Na patoluhon, mangajarhon hasintongan tu na asing. Songon sahalak tentara na gomos maniop podangna, hita pe ingkon gomos do tatiop Hata ni Debata. Alana Bibel i, dipatudos do songon podang. (Eps. 6:17) Sude hita boi do gabe guru “na denggan mangajarhon jala patorangkon hasintongan i”. (2 Tim. 2:15) Molo tapangke Bibel laho mangajari halak, gabe lam taantusi jala lam tahaholongi ma hasintongan i. Jala lam marsitutu ma hita mangihuthon hasintongan i.
Silehon-lehon ni Jahowa do hasintongan i
17. Boasa arga hasintongan i di hamu?
17 Silehon-lehon ni Jahowa do hasintongan i. Alana, on boi mambahen hita gabe marale-ale tu Jahowa. Jala i ma na rumingkot di ngolunta. Nunga godang na diajarhon Jahowa tu hita. Alai ndang sadia dope i! Marjanji do Jahowa laho mangajari hita salelengna. Songon mutiara na arga do hasintongan i di hita. Alani i, “tuhor ma hasintongan jala unang gadis”. Tatiru ma si Daud na marjanji tu Jahowa. Didok ibana, “Asa marpangalaho ahu di bagasan hasintonganmi.”—Ps. 86:11.
^ par. 8 Goarna nunga diganti.
^ par. 8 Ida JW Broadcasting, di bagian WAWANCARA DAN PENGALAMAN > KEBENARAN MENGUBAH KEHIDUPAN.