“Tuhor ma Hasintongan jala Unang Gadis”
“Tuhor ma hasintongan jala unang gadis, suang songon i ma nang habisuhon, pangajarion dohot pangantusion.”—PODA 23:23, Bibel siganup ari.
1, 2. (a) Aha do na ummarga di ngolunta? (b) Aha do hasintongan na tadapot sian Bibel, jala boasa ingkon taargai i? (Ida gombar di mula ni parsiajaran.)
PARALE-ALEONTA tu Jahowa do na ummarga di ngolunta. Ndang adong na ummarga sian i. Asing ni i, adong muse na arga di ngolunta, i ma hasintongan na sian Bibel. Alana, holan di Bibel do dipaboa songon dia asa gabe ale-ale ni Jahowa.—Kol. 1:9, 10.
2 Sian Bibel, diajari Jahowa do hita taringot hasintongan. Umpamana, diajari Ibana do hita taringot goarna dohot angka parangena. Dipaboa do na mansai holong rohana tu hita, i do alana dilehon Anakna laho humongkop hita. Diajari do hita taringot Harajaon Messias. Dilehon Ibana do pangkirimon tu angka halak na dipillit na laho tu surgo dohot tu ‘biru-biru na asing’ na laho mangolu di paradeiso. (Joh. 10:16) Dipaboa do muse aha na ingkon taulahon. Arga do di hita hasintongan on, alana diajari do hita asa solhot tu Jahowa jala mamboto aha do tujuan ni ngolunta.
3. Asa boi taboto hasintongan, dipangido Jahowa do hepeng sian hita?
Ul. 8:18-20) Aha do lapatanna ‘manuhor hasintongan’?
3 Mansai burju do Jahowa, i do alana dilehon do Anakna laho humongkop hita. Ndang dipangido Jahowa hepeng sian hita asa boi taboto hasintongan. Gariada diurupi Ibana do halak na mangalului hasintongan. Hea do ditawarhon si Simon hepeng tu si Petrus asa boi si Simon mandapot huaso laho mangalehon tondi parbadia muse tu na asing. Alai didok si Petrus ma, ndang boi songon i. Jala didok, “Sai mago ma ho rap dohot hepeng perakmi. Ai dirimpu ho boi tuhoronmu silehon-lehon ni Debata marhite hepeng.” (LAPATAN NI MANUHOR HASINTONGAN
4. Aha do na laho taulas di parsiajaran on?
4 Jaha Poda 23:23. Asa taboto hasintongan sian Bibel, ingkon tabahen do pengorbanan. Molo dung ‘tatuhor hasintongan’, ‘unang ma tagadis’ i. Lapatanna molo dung tadapot hasintongan i, unang ma tatinggalhon. Songon dia carana manuhor hasintongan? Pengorbanan aha do na ingkon tabahen asa boi tadapot i? Molo taboto alus ni sungkun-sungkun on gabe lam taargai ma hasintongan i. Jala ndang olo hita manadingkon i. Jala taantusi ma boasa hasintongan sian Jahowa ummarga sian manang aha pe.
5, 6. (a) Asa tadapot hasintongan, aha do na ingkon tabahen? (b) Aha do laba ni hasintongan i?
5 Molo didok na gratis, ndang na gabe so mararga. Hata ‘tuhor’ di bahasa Heber na dipaboa di Poda 23:23, boi do lapatanna “mandapot”. Jadi molo naeng mandapot na arga sasahalak, ingkon dibahen do pengorbanan. Umpamana, adong ma pisang na gratis di onan. Nang pe gratis pisang i, ingkon taalap do i tu onan. Jadi, ingkon adong do pengorbanan na tabahen laho mandapot i. Suang songon i ma molo naeng mandapot hasintongan, ingkon tabahen do pengorbanan asa boi tadapot i.
6 Jaha Jesaya 55:1-3. Di ayat on dipaboa Jahowa do songon dia carana mangantusi lapatan ni manuhor hasintongan. Jala dipatudos Jahowa do hasintongan i songon aek, susu, dohot anggur. Songon halak na mauas, molo dung manginum aek tontu gabe tabo do pangkilalaanna. Suang songon i ma hasintongan, boi mambahen dame rohanta. Tudosan na asing, asa boi dakdanak lam balga jala sehat ingkon minum susu do ibana. Suang songon i ma hasintongan na tadapot, boi do i mambahen hita lam jonok jala patoguhon parale-aleanta tu Jahowa. Alai dipatudos Jahowa muse hasintongan i songon anggur. Boasa? Alana, jotjot do dipaboa di Bibel molo anggur boi mambahen las roha ni sasahalak. (Ps. 104:15) Jadi, molo taulahon Hata ni Debata boi do mambahen hita marlas ni roha. (Ps. 19:9) Dibahen Jahowa pe angka tudosan i, laho mangajari hita do asa taboto aha labana molo taparsiajari jala taulahon hasintongan i. Saonari, taulas ma lima pengorbanan na boi tabahen laho ‘manuhor hasintongan’.
PENGORBANAN LAHO MANUHOR HASINTONGAN
7, 8. (a) Boasa ingkon talehon tingkinta laho mandapot hasintongan? (b) Aha do pengorbanan na dibahen sahalak na poso jala aha do hasilna?
7 Tingki. Porlu do tingki di sasahalak laho manangihon barita na uli, manjaha Bibel dohot angka publikasi, marsiajar Bibel dohot Sitindangi, persiapan laho tu parpunguan dohot marpungu. Alani i, ingkon gumodang ma tapangke tingkinta laho mangulahon i sude, sian tu ulaon na asing. (Jaha Epesus 5:15, 16, dohot surat na di toru di ayat 16.) Sadia leleng do hita laho mamparsiajari ajaran dasar ni Bibel? Ndang sai sarupa pangantusion ni piga-piga halak. Jadi, ingkon torus do hita mamparsiajari taringot bisuk ni Jahowa, pingkiranna dohot angka naung diulahonna. (Rom 11:33) Di Watch Tower edisi na parjolo sahali, dipatudos do hasintongan i songon “bunga na buni”. Didok disi, “Molo nunga tadapot sada bunga, i ma hasintongan, unang ma didok rohanta nunga sae holan i. Ingkon talului do muse godang hasintongan na asing.” Boi ma tarimangi sungkun-sungkun on, ‘Nunga sadia godang na huboto taringot Jahowa?’ Nang pe mangolu salelengna hita, sai adong do na boi taparsiajari taringot Jahowa. Alani i, ringkot do tapangke tingkinta asa ringgas marsiajar. Taulas ma sada contoh na boi tatiru.
Ringkot do tapangke tingkinta asa ringgas mamparsiajari taringot Jahowa
8 Sahalak na poso sian Jepang na margoar si Mariko, * pinda singkola tu Amerika di Kota New York. Sada tingki, hea ma sahalak perintis marbarita tu jabuna. Olo do si Mariko marsiajar Bibel, nang pe sasintongna nunga maragama ibana. Ala lomo do rohana marsiajar Bibel, dipangido ibana do asa marsiajar dua hali saminggu. Nang pe singkola ibana huhut karejo, alai olo do ibana ro marpungu. Diorui ibana do tingkina laho rekreasi. Gabe lam godang ma tingkina marsiajar Bibel. Ala olo ibana mambahen pengorbanan, gabe lam solhot ma ibana tu Jahowa. Ndang pola sahat sataon, tardidi ma ibana. Onom bulan dungkon i, i ma di taon 2006, gabe perintis ma ibana sahat tu saonari.
9, 10. (a) Songon dia do pangkilalaanta taringot arta dung mamboto hasintongan? (b) Aha do pengorbanan na dibahen sahalak na poso, jala aha do hasilna?
9 Arta. Ra, boi do tadapot karejo na balga gajina. Alai ndang i be na rumingkot di hita molo naeng mandapot hasintongan. Songon si Petrus dohot si Andreas, ditadingkon nasida do karejona manjala dengke asa gabe sisean ni Jesus. (Mat. 4:18-20) Alai lapatan ni hata on, ndang na gabe so karejo hita. Gariada, ingkon karejo do hita laho manarihon keluarganta. (1 Tim. 5:8) Alai dung taboto hasintongan, ndang mangalului arta be na rumingkot di hita. Didok Jesus do, “Unang be papungu-pungu arta di tano on.” Gariada dijujui ibana do hita asa, ‘papungu-pungu arta di banua ginjang’. (Mat. 6:19, 20) On ma na diulahon sahalak na poso na margoar si Maria.
10 Sian mulai dakdanak, lomo hian do roha ni si Maria mar-golf. Dung SMA, lam jago do ibana mar-golf. Dapot beasiswa do ibana alani i. Lomo do rohana asa gabe par-golf na jago jala mamora. Ndang sadia leleng, marsiajar Bibel ma ibana. Lomo do rohana marsiajar Bibel jala diulahon ibana do aha naung diparsiajari. Didok ibana, “Lam huihuthon poda sian Bibel, gabe lam marlas ni roha do ahu.” Diantusi si Maria do ingkon sada do na dipillit ibana, parale-aleonna tu Jahowa manang gabe par-golf na jago. (Mat. 6:24) Alani i, ndang marcita-cita be si Maria gabe par-golf na jago. Saonari, nunga gabe perintis si Maria. Didok ibana do, “On ma tujuan ni ngolunta na sasintongna na mambahen las roha.”
Marjanji do Jesus laho lehononna do tu hita lobi sian na tadapot, molo tabahen pengorbanan
11. Aha do na boi masa dung marsiajar Bibel hita?
11 Ndang solhot be tu na asing. Molo dung taulahon na taparsiajari, olo do ra gabe ndang solhot be hita tu dongan manang keluarganta. Dipaboa Jesus do tu hita boasa boi gabe songon i. Tingki ditangiangkon Jesus taringot siseanna didok ibana do, “Pabadia ma nasida marhite hasintongan. Hatami do hasintongan.” (Joh. 17:17) Hata “pabadia” boi do lapatanna “imbar”. Jadi molo dung taulahon na taparsiajari, gabe imbar do hita sian angka halak ala nunga taihuthon na didok Bibel. Jadi nang pe tapajonok dirinta tu angka dongan manang keluarganta, tong do sogo roha ni nasida tu hita. Manang diorai nasida do hita marsiajar Bibel. Alai, ndang tarsonggot be hita disi. Alana didok Jesus, “Sasintongna, musu ni sasahalak i ma donganna sajabu.” (Mat. 10:36) Molo olo hita berkorban, marjanji do Jesus laho lehononna do tu hita godang pasu-pasu!—Jaha Markus 10:28-30.
12. Aha do pengorbanan na dibahen sahalak Jahudi laho mandapot hasintongan?
12 Adong halak Jahudi na margoar si Aaron. Saleleng on, didok rohana sala do molo mandok goar ni Debata. Alai sasintongna, lomo do rohana naeng mamboto taringot Debata. Sada tingki, adong ma Sitindangi mandok, boi do didok ibana goar ni Debata. Di bahasa Heber, holan opat huruf mati do goar ni Debata disurat. Molo ditambai huruf hidup tu opat huruf i, goar ni Debata boi ma i didok “Jahowa”. Gabe las hian do roha ni si Aaron dung diboto i. Dung i, laho ma ibana mandapothon angka pamimpin agama.
Dirimpu ibana gabe las roha ni angka pamimpin agama i mangida ibana molo dipaboa taringot goar ni Debata. Alai ndang songon i na masa. Gariada, ditijuri jala dipalao do ibana sian i. Gabe dohot do muse keluargana muruk tu ibana. Nang pe songon i tongtong do si Aaron marsiajar. Ujungna, gabe Sitindangi ma ibana sahat tu na mate. Jadi, dung marsiajar Bibel hita unang ma metmet rohanta molo ndang solhot be hita tu na asing.13, 14. Aha do hamubaon na ingkon tabahen dung mamboto hasintongan? Paboa ma sada contoh.
13 Pingkiran dohot ulaon na roa. Molo dung taparsiajari jala taulahon poda ni Bibel, ingkon muba do parniulaon dohot pingkiranta. Didok apostel Petrus, “Songon dakdanak pangoloi ma hamu, unang be olo hamu dirajai sangkap ni rohamuna najolo tingki ndang ditanda hamu dope Debata.” Jala didok ibana do muse, “Badia ma hamu di sude parniulaonmuna”. (1 Ptr. 1:14, 15) Di kota Korint najolo, godangan do halak mangulahon na roa. Alai, muba do nasida dung mamboto hasintongan. (1 Kor. 6:9-11) Suang songon i ma di tingki saonari, godang do halak na mambahen hamubaon dung mamboto hasintongan. Didok si Petrus do, “Nunga godang dipangke hamu tingkimuna najolo mangihuthon lomo ni roha ni angka bangso. Diulahon hamu do ulaon ni halak na so umboto ila, hisap-hisap ni daging, mabuk, marpestai sahat tu na mabuk, martaru minum, jala manomba angka gana-ganaan.”—1 Ptr. 4:3.
14 Saleleng martaon-taon ditanda halak do si Devynn dohot si Jasmine parmabuk. Ala sai mabuk si Devynn, ndang boi ibana martahan di sada karejo, hape malo do ibana di bagian akutansi. Si Jasmine pe parmuruk do jala kasar. Tingki mabuk si Jasmine di dalan, pajumpang ma ibana dohot dua halak misionaris sian Sitindangi. Ditawarhon ma tu si Jasmine asa marsiajar Bibel. Dung saminggu, ro ma misionaris i tu jabu ni si Jasmine. Hape pas mabuk do ibana dohot si Devynn. Songgot do roha ni nasida ala tutu do ro misionaris i. Di tingki na asing, ro ma muse misionaris i. Alai nunga dipaima nasida be misionaris i, jala nunga rade nasida laho marsiajar Bibel. Pintor diulahon nasida do aha naung diparsiajari. Ndang sahat tolu bulan, ndang olo be nasida mabuk. Pintor diurus nasida do parsaripeonna tu catatan sipil. Ala diida dongan sahutana nunga muba si Jasmine dohot si Devynn, gabe olo ma nasida marsiajar Bibel.
15. Aha do na boi mambahen hita maol muba, jala boasa?
15 Adat dohot hasomalan na dihasogohon Debata. Na boi mambahen hita maol muba, i ma molo tongtong dope taihuthon adat dohot hasomalan na dihasogohon Debata, nang pe nunga taboto sala i. Alai, adong do na maol maninggalhon i ala mabiar tu keluarga, dongan sakarejo manang dongan na asing. Jala adong dope na maol maninggalhon i, ala nunga sada hasomalan di nasida. Umpamana, songon mambahen adat tu halak naung 5 Mus. 14:1) Alani i, aha do na boi mangurupi hita asa boi muba? Saonari, taulas ma sitiruon na denggan sian halak Kristen na di Epesus. Dibahen nasida do hamubaon dung diparsiajari nasida hasintongan.
mate. (16. Pengorbanan aha do na dibahen angka halak di Epesus?
16 Somal do mardatu angka halak di Epesus. Jadi, aha ma na diulahon nasida dung gabe halak Kristen? Didok Bibel, “Godang do sian nasida na hea mangulahon hadatuon mamboan angka buku naung pinapungu ni nasida jala ditutung nasida ma i di jolo ni natorop. Dung dietong nasida argana, adong hira-hira 50.000 hepeng perak. Alani huaso ni Jahowa, lam rarat jala lam balga ma pangkorhon ni hatana.” (Ul. 19:19, 20) Dipasu-pasu Jahowa do pengorbanan ni nasida. Nang pe mansai arga buku ni nasida i, alai olo do nasida mambolongkon i.
Pengorbanan aha ma naung dibahen hamu?
17. (a) Pengorbanan aha do na ingkon tabahen asa mandapot hasintongan? (b) Sungkun-sungkun aha do na laho taalusi di parsiajaran na mangihut?
17 Aha do pengorbanan naung dibahen hamu asa mandapot hasintongan? Sude hita nunga mangalehon tingki laho marsiajar Bibel. Ra, godang do sian hita na maninggalhon karejona na boi mambahen gabe mamora. Manang adong do na gabe sogo roha ni keluargana dohot donganna ala marsiajar Bibel. Godang do muse naung mambahen hamubaon di parngoluonna. Jala adong do na so olo be mangihuthon angka adat dohot hasomalan na dihasogohon Jahowa. Pos do rohanta molo hasintongan sian Bibel, ummarga do i sian angka pengorbanan naung tabahen. Alana nunga taboto sian Bibel songon dia carana marale-ale tu Jahowa, jala i do arta na ummarga di hita. Godang do pasu-pasu na tadapot ala mamboto hasintongan. Alani i, olo do gabe sungkun-sungkun rohanta ala adong na olo manadingkon hasintongan. Boasa songon i? Songon dia do carana asa unang taihuthon i? Taalusi ma angka sungkun-sungkun i di parsiajaran na mangihut.
^ par. 8 Goarna nunga diganti.