• “Huhilala hira na marulak-ulak do suamikku mangulahon seks na so patut.”

• “Merasa terhina do au, dang menarik, jala dang mararga.”

• “Dang boi hupaboa taringot on tu manang ise pe. Gabe marsak do au sahalakku.”

• “Huhilala hira na so parduli do Jahowa tu au.”

Akka komentar on patuduhon na marsak situtu do sahalak istri tikki suamina mangida pornografi. Jala molo sip-sip diulahon suamina i saleleng marbulan-bulan manang martaon-taon, olo do ibana merasa dang boi be porsea tu suamina. Adong ma sahalak istri na mandok, “Huhilala hira na so huboto do sude taringot suamikku, jala hira na adong dope na ditabunihon ibana sian au.”

Artikel on dibahen tu sahalak istri na suamina kecanduan mangida pornografi. a Dibahas ma dison akka prinsip ni Bibel na boi mangapuli istri dohot paposson roha ni nasida na dihaholongi Jahowa do nasida jala lomo do roha ni Jahowa mangurupi nasida. Diurupi do muse istri asa dame rohana jala toktong jonok tu Jahowa. b

Nang pe dang boi dikendalihon hamu sude na diulahon suamimuna, alai adong do piga-piga saran na boi diulahon hamu asa toktong makkilala dame ni roha.

Unang ma salahon dirimuna. Olo do dihilala sahalak istri, ala na sala do ibana umbahen diida suamina pornografi. Si Alice c merasa dang istri na denggan ibana di suamina, jadi alani i do dihilala ibana unlomo roha ni suamina mangida boru-boru na asing. Adong do muse akka istri na manalahon dirina sandiri. Didok roha ni nasida gabe lam parah ma situasina alani reaksi ni nasida. Si Danielle mandok, “Mura-mura do au muruk. Alani i do huhilala gabe sega ruma tangganami.”

Molo songon i do perasaanmuna, ingot ma dang hamu na martanggung jawab tu na diulahon suamimuna i. Jakobus 1:14 mandok, “Diuji do ganup halak ala ditarik jala dijorat sakkap-sakkapna  sandiri.” (Rom 14:12; Plp. 2:12) Arga do di Jahowa kesetiaanmuna tu Ibana. Jadi dang disalahon Jahowa hamu alani pangalaho ni suamimuna i.—2 Kron. 16:9.

Olo do sahalak istri marpikkir umbahen na diida suamina pe pornografi ala na hurang denggan do ibana di suamina. Alai dang tutu i. Akka ahli patorakkon molo pornografi mambahen gabe kuat keinginan seksual ni sasahalak, jala dang adong borua na boi mambahen ibana puas.

Unang ma paholsohu. Si Catherine mandok, gabe sai dipikkiri ibana ma pornografi na songon dia na diida suamina. Si Frances mandok, “Khawatir do au molo dang huboto didia suamikku nuaeng. Gabe marsak hian ma au di bagasan sadari i.” Molo na asing mandok, maila do nasida tikki rap dohot akka dongan na mamboto masalah ni suamina i. Adong muse na merasa kesepian ala menurut nasida dang adong na mangattusi situasina.

Wajar do memang perasaan sisongon i. Alai molo gabe habis tikkimuna lao mamikkirhon i, gabe lam holsoan do hamu. Sebalikna berfokus ma hamu tu hubunganmuna dohot Jahowa. Hasilna, boi ma hamu toktong togu jala martahan.—Ps. 62:2; Eps. 6:10.

Jaha jala rimangi hamu ma taringot akka borua na disurat di Bibel na tarapul rohana dung martangiang tu Jahowa. Memang dang sai disalpuhon Jahowa masalah ni nasida, alai dilehon Jahowa do tu nasida dame ni roha. Misalna si Hanna. Hea ma ‘lungun hian rohana’ alani masalahna. Alai “dung leleng si Hanna martangiang tu Jahowa”, dame ma rohana nang pe dang diboto ibana aha na lao masa dukkon i.—1 Sam. 1:10, 12, 18; 2 Kor. 1:3, 4.

Pangido ma bantuan sian akka sintua. Boi do nasida gabe songon ‘inganan partabunian sian alogo, jala gabe songon inganan parlinggoman sian haba-haba’. (Jes. 32:2) Olo do ra dipangido akka sintua sahalak donganta borua na boi gabe donganmuna makkatai jala patoguhon hamu.—Poda 17:17.

Boi do diurupi hamu suamimuna mangatasi kebiasaanna mangida pornografi? Bisa jadi. Bibel mandok, “dumenggan do dua halak sian na sahalak” tikki mangatasi sada masalah manang tikki berjuang mangalo musu na gogo. (Pjm. 4:9-12) Akka pakar paboahon molo rap bekerja sama sapasang suami istri, biasana boi do suamina  mangatasi kebiasaanna i jala istrina pe boi gabe porsea muse tu ibana.

Marhasil manang na dang pasanganmuna mangatasi kebiasaan mangida pornografi bergantung tu sadia balga tekad dohot upayana. Olo do ibana mangido gogo sian Jahowa jala mangido bantuan sian akka sintua? (2 Kor. 4:7; Jak. 5:14, 15) Dibahen ibana do upaya lao menghindari pornografi? Misalna, dibatasi ibana do tikkina mamakke perangkat elektronik jala dihindari ibana do akka situasi na boi mambahen ibana targoda? (Poda 27:12) Molo olo do ibana mangido bantuanmuna jala jujur tu hamu, berarti boi do ibana diurupi.

Songon dia carana? Taida ma sada contoh. Menikah ma si Felicia tu si Ethan. Mulai sian na gelleng nungnga kecanduan mangida pornografi si Ethan. Dibahen si Felicia do asa nyaman suamina makkatai tu ibana taringot kebiasaanna i. Si Ethan mandok, “Terus terang do au tu istrikku. Burju do ibana mangurupi au menghindari situasi na boi mambahen au targoda mangida pornografi, jala sai disukkun ibana do aha na huulahon. Diurupi ibana do au mambatasi tikkikku mamakke Internet.” Memang, haccit do roha ni si Felicia ala diboto ibana kebiasaan ni si Ethan i. Alai didok si Felicia, “Molo torus au muruk, dang boi huurupi suamikku mangatasi kebiasaanna i. Dung dibahas hami taringot i, gabe bertekad do ibana mangurupi au asa unang haccit be rohakku.”

Pembahasan sisongon i boi mangurupi sahalak suami menghindari pornografi. Jala boi do ibana mangurupi istrina asa porsea muse tu ibana. Molo terus terang sahalak suami paboahon kelemahanna, ulaonna siganup ari, tudia ibana lao, gabe lam mura ma istrina porsea muse tu ibana.

Boi do dibahen hamu cara na sarupa lao mangurupi suamimuna? Molo boi, jaha jala bahas hamu ma artikel on dohot suamimuna. Tujuanna asa unang mangida pornografi be suamimuna jala asa boi muse ibana dihaporseai hamu. Alani i unang ma gabe jut rohana molo dibahas hamu taringot i, jala ikkon disadari ibana do pengaruh ni kelemahanna i tu hamu. Hamu pe porlu do mandukung upaya ni suamimuna mangatasi kebiasaanna i, jala lehon ma kesempatan tu ibana lao mambuktihon na boi do ibana dihaporseai muse. Ikkon dibahas hamu na dua do aha biasana na mambahen halak targoda mangida pornografi, jala songon dia carana mangatasi i. d

 Molo khawatir hamu gabe marbada annon hamu dohot suamimuna tikki mambahas on, pangido ma asa dohot sahalak sintua na boi dihaporseai hamu na dua mambahas i. Sadari ma nang pe nungnga marhasil sahalak suami mangatasi kebiasaanna i, alai porlu do tikki di istrina asa boi porsea muse tu ibana. Alai unang ma menyerah. Las ma rohamuna molo adong perkembangan na denggan di perkawinanmuna, nang pe otik. Sabar ma hamu, jala pos ma rohamuna boi do denggan muse perkawinanmuna.—Pjm. 7:8; 1 Kor. 13:4.

Molo kambuh muse kebiasaan ni suamimuna mangida pornografi, na so bertobat do ibana disi manang dang boi ibana marhasil mangatasi kebiasaanna i? Belum tentu. Molo nungnga kecanduan ibana mangida pornografi, bisa jadi ikkon berjuang keras do ibana mangatasi kebiasaanna i saleleng ngoluna. Nang pe nungnga martaon-taon ibana dang mangida pornografi, olo do kambuh muse kebiasaanna i. Nang pe nungnga marhasil ibana mangatasi kebiasaanna i, ikkon torus do dikendalihon ibana dirina. (Poda 28:14; Mat. 5:29; 1 Kor. 10:12) Ikkon ‘dipaimbaru do roha dohot pikkiranna’ jala ‘magigi tu na jahat’, termasuk ma i pornografi dohot akka ulaon na so ias di jolo ni Debata songon masturbasi. (Eps. 4:23; Ps. 97:10; Rom 12:9) Olo do suamimuna mangulahon i? Molo olo do, boi dope ibana mangatasi kebiasaanna i. e

Alai boha do molo dang olo suamimuna mangatasi kebiasaanna i? Wajar do molo kecewa hamu, muruk, jala merasa dihianati. Alai pasahat hamu ma sude holso ni rohamuna tu Jahowa. Boi do i mangurupi hamu asa toktong makkilala dame ni roha. (1 Ptr. 5:7) Torus ma hamu jonok tu Jahowa marhite marsiajar Bibel, mangarimangi isina, jala martangiang. Pos ma rohamuna pajonokon ni Jahowa do dirina tu hamu. Songon na didok di Jesaya 57:15, rap do Jahowa dohot halak na “malala rohana”. Jala lomo do rohana mangurupi nasida asa marlas ni roha muse. Alani i, torus ma hamu setia manomba Jahowa. Pangido ma bantuan sian akka sintua. Jala torus ma berharap sada tikki olo do muba suamimuna i.—Rom 2:4; 2 Ptr. 3:9.