Dibahen Apostel Paulus do surat tu halak Kristen di Tessalonik na mandok, “Molo adong halak na so mangoloi tudu-tudu na hupaboa hami di surat on, tandai hamu ma ibana.” (2 Tes. 3:14) Najolo, tarippu do ayat on petunjuk tu akka sintua. Molo adong sasahalak di huria na torus mangalo poda na sian Hata ni Debata, pasahaton ni akka sintua ma jamita lao pasingotton akka dongan di huria taringot i. Dung i, dang bergaul be akka penyiar dohot halak sisongon i, kecuali tikki marpungu dohot tikki marbarita.

Alai saonari, ikkon disesuaihon do pangattusionta taringot i. Boasa? Alana tu ganup halak Kristen di huria do marlakku nasehat ni si Paulus i. Didok si Paulus, ganup halak Kristen di huria i do na mamutusson lao manandai sasahalak manang na daong. Alani i, dang porlu akka sintua pasahatton jamita lao pasingotton akka dongan di huria taringot i. Boasa pangattusionta taringot 2 Tessalonik 3:14 porlu disesuaihon? Tabahas ma latar belakang ni nasehat ni si Paulus on.

Didok si Paulus, tikki i adong do piga-piga halak di huria na “so taratur”. Nungnga dilehon si Paulus nasehat tu nasida, alai dang olo nasida mangihutton i. Misalna di kunjungan sebelumna didok si Paulus do, “Manang ise na so olo karejo, unang ma mangan ibana.” Alai, tong dope dang olo nasida karejo lao memenuhi kebutuhanna, hape boi do sebenarna nasida karejo. Jala lomo do roha ni nasida mangattoi urusan ni na asing. Jadi, songon dia do halak Kristen di tikki i berurusan tu akka halak na “so taratur” i?—2 Tes. 3:​6, 10-12.

Didok si Paulus, “Tandai hamu ma ibana”. Di bahasa Junani, hata on boi do artina manat tikki berurusan tu sasahalak, asa unang gabe sega hita alani pengaruh na so denggan sian ibana. Jala dang holan tu akka sintua dilehon si Paulus nasehat on, alai tu sude dongan di huria. (2 Tes. 1:1; 3:6) Jadi, molo disadari ganup halak Kristen adong donganna na so olo mangihutton tudu-tudu na dilehon di huria, boi do ibana sandiri mamutusson “dang mardongan be” dohot halak na so taratur i.

Alai, na gabe sarupa do pambahenanta tu nasida songon tu halak naung dipakaluar sian huria? Daong. Alana didok si Paulus do muse, “Toktong ma podai hamu ibana songon sahalak dongan.” Jadi, boi dope halak Kristen bergaul dohot halak na ditandai i tikki marpungu manang tikki marbarita. Alai, boi do hita mamillit dang manogihon halak na ditandai i tu acara ramah tamah manang rekreasi. Boasa? Didok si Paulus, “Asa maila ibana.” Molo taulahon songon i tu ibana, boi do gabe maila ibana alani pangalahona i jala tergerak lao muba.—2 Tes. 3:​14, 15.

Songon dia ma carana menerappon nasehat ni si Paulus on? Na parjolo tapastihon ma, tutu do pangalaho ni sasahalak i ‘dang taratur’ manang na daong. Taingot ma, si Paulus dang mambahas taringot akka halak na mambahen keputusan na berbeda sian hita ala dang sarupa panggora ni rohatta, manang dang sarupa selerana dohot hita. Jala si Paulus dang mambahas taringot akka halak na mambahen haccit rohatta. Alai na dibahas ibana disi, i ma taringot akka halak na torus mangalo poda na sian Hata ni Debata, nang pe nungnga dinasehati.

Jadi saonari, molo taboto adong donganta na torus mangalo poda na sian Hata ni Debata, boi do tabahen keputusan pribadi asa dang manogihon ibana tu acara ramah tamah manang rekreasi. Ala keputusan pribadi do on, unang ma pola tabahas on dohot halak na asing, asing ni anggota keluargatta na sajabu dohot hita. Jala boi dope hita bergaul dohot halak na ditandai i tikki marpungu manang tikki marbarita. Molo muba ibana, boi do muse hita bergaul dohot ibana songon na somal. a