Tikki di surgo, diparsiajari Jesus do akka sifat na mangurupi ibana asa boi gabe dongan sakarejo na denggan. Jala dung di tano on Jesus, gabe contoh na denggan do ibana di hita asa boi denggan bekerja sama dohot na asing. Sian pengalaman ni Jesus on, gabe boi ma taboto adong do tolu prinsip na mangurupi hita asa boi denggan bekerja sama dohot na asing. Akka prinsip on pe, boi do tong mangurupi hita asa marsada dohot akka donganta sahaporseaon.

Asa boi denggan bekerja sama dohot na asing, ikkon gabe halak na serep marroha do hita. Ikkon taingot do penting do akka donganta na rap karejo dohot hita, jala dang boi hita berfokus holan tu diritta sandiri. Songon i do Jahowa, nang pe Ibana do Panoppa alai lomo do rohana asa taboto penting do tong na diulahon Jesus, Anakna i. Tarida do i sian hata ni Jahowa na mandok, “Tatoppa ma jolma na mirip songon hita.” (1 Mus. 1:26) Tikki didok Jahowa songon i, lam takkas ma diida Jesus massai serep do roha ni Jahowa.​—Ps. 18:35.

Jesus pe dipatudu do serep ni rohana tikki bekerja sama ibana dohot akka siseanna di tano on. Tikki adong na mamuji ibana, dipasahat ibana do sude pujian i tu Jahowa. (Mrk. 10:17, 18; Joh. 7:15, 16) Berupaya do Jesus mambahen akka siseanna nyaman rap dohot ibana. Dang dijou ibana akka siseanna i hatobanna, alai didok do nasida ale-alena. (Joh. 15:15) Bahkan hea do  Jesus manucci pat ni halak i, lao mangajarhon taringot serep ni roha. (Joh. 13:5, 12-14) Songon Jesus, hita pe porlu do taargai akka dongan na rap karejo dohot hita, jala unang ma holan kepentinganta sandiri na tapikkiri. Molo tapasangap akka donganta na asing jala dang holan diritta sai naeng dipuji, gabe godang ma na boi taulahon, jala denggan ma hasilna.​—Rom 12:10.

Molo serep roha ni sasahalak disadari ibana do porlu ‘godang na mamodai asa saut rencanana’. (Poda 15:22) Nang pe godang pengalamanta, ikkon taingot do dang sude taboto, haru Jesus pe dang sude diboto ibana. (Mat. 24:36) Olo do Jesus manangihon pandapot ni akka siseanna, nang pe dang sempurna halak i. (Mat. 16:13-16) Alani i ma, gabe nyaman akka siseanna jonok tu ibana! Parsiajaranna di hita, serep ma rohatta, ikkon taingot do dang sude taboto. Jala rade ma hita manangihon pandapot ni na asing, asa boi hita denggan bekerja sama dohot nasida jala “saut” ma na tarencanahon i.

Na terutama ikkon maniru Jesus i ma akka sintua. Contohna tikki rapat nasida, ikkon rade do akka sintua manangihon pandapot ni na asing. Alana dang diboto nasida, ise do na dipakke Jahowa mangalehon pandapot na bermanfaat lao mambahen keputusan na denggan. Molo diulahon nasida songon i, gabe boi ma nasida sude leluasa mangalehon pandapot. Hasilna gabe boi ma dibahen nasida keputusan na bermanfaat tu huria.

Asa boi hita denggan kerja sama dohot halak na asing ikkon gabe halak na masuk akkal do hita jala dang kaku. Songon i ma na diida Jesus sian Bapakna, dang kaku Ibana. Contohna dilehon Jahowa do tu hita tobusan, nang pe sasittongna ikkon mate do hita.​—Joh. 3:16.

Jesus pe songon i do tong, dang kaku ibana. Tarida ma i sian cara ni ibana mangurupi sahalak borua Penisia, nang pe tikki i holan lao mangurupi halak Israel do ibana disuru. (Mat. 15:22-28) Dipatudu ibana do tong sifat i tikki berurusan tu siseanna, dang diharappon ibana ikkon sempurna nasida. Misalna tikki didok si Petrus dang ditanda ibana Jesus, olo do Jesus mengampuni si Petrus. Bahkan di pudian ni ari dilehon do tu ibana tanggung jawab na umbalga. (Luk. 22:32; Joh. 21:17; Ul. 2:14; 8:14-17; 10:44, 45) Jadi sian contoh ni Jesus on, hita marsiajar ikkon gabe halak na masuk akkal do hita jala dang kaku.​—Plp. 4:5.

 Molo masuk akkal hita, gabe boi ma hita mambahen penyesuaian asa boi hita bekerja sama dohot na asing. Songon i do tong na diulahon Jesus, burju do ibana tu sude halak. Mardongan do ibana tu sude halak na olo manjalo barita na uli. Ala songon i burju ni Jesus, sappe didok musuna ma ibana “dongan ni sijalo pajak dohot akka pardosa”. (Mat. 11:19) Boi do hita maniru Jesus bekerja sama dohot marragam donganta? Taida ma jo pengalaman ni donganta si Louis. Nga godang ibana bekerja sama dohot marragam donganta, di tikki ibana gabe pengawas wilayah, jala tikki ibana karejo di Betel. Ibana mandok, “Kerja sama dohot marragam dongan na so sempurna, sarupa ma songon mambangun tembok mamakke batu na so sarupa ukkuranna. Memang loja do alai boi do dibahen tembok i lurus. Songon i ma na hubahen tikki kerja sama dohot akka dongan. Ikkon hubahen do penyesuaian. Hasilna gabe boi ma denggan karejonami.” Massai denggan do na diulahon si Louis i!

Di tikki andigan do tapatudu sikap masuk akkal? Boi do tapatudu i tikki marbarita hita dohot akka dongan di kelompok dinasta. Berupaya do hita bekerja sama dohot akka dongan na berbeda latar belakangna dohot hita, jala beda usiana dohot hita. Misalna, boi do tabahen penyesuaian taringot caratta marbarita, boi do ra istirahat hita sasatokkin, jala unang pola hatop-hatop mardalan. Molo taulahon i, gabe lam dinikmati nasida ma na mardinas i.

Asa boi hita denggan kerja sama ikkon olo do hita “marbagi tu na asing”. (1 Tim. 6:18) I do na diida Jesus sian Jahowa, tikki ‘dipahembang Jahowa langit, disi do Jesus’. Jadi godang do na boi diajarhon Jahowa tu Jesus. (Poda 8:27) Jala las do muse roha ni Jesus marbagi dohot akka siseanna taringot “sude naung [dibege ibana]” sian Jahowa. (Joh. 15:15) Jadi tatiru ma Jahowa, las ma rohatta mambagihon pengalaman dohot parbinotoatta tu akka dongan na asing. Unang ma gabe mangarajai hita tu donganta, gabe dang olo hita mambagihon informasi na dihaporluhon nasida. Gariada ikkon las do rohatta mambagihon akka na taboto tu na asing.

Boha do pakkilalaatta molo adong halak na mamuji kerja keras dohot akka naung taulahon? Pasti las do rohatta. Jadi asa boi hita denggan bekerja sama dohot na asing, ikkon rade do hita mangalehon pujian. (Bandingkon tu Mateus 25:19-23; Lukas 10:17-20.) Songon i do tong Jesus, dipuji ibana do akka ulaon na denggan na diulahon siseanna. Bahkan didok ibana do ‘ulahonon ni nasida dope akka ulaon na umbalga’ sian na diula Jesus. (Joh. 14:12) Jala andorang so mate Jesus dipuji ibana do tong akka siseanna. Didok ibana, “Dang hea ditinggalhon hamu au tikki susa au.” (Luk. 22:28) Pasti las do roha ni akka sisean i mambege hata ni Jesus i, jala mambahen nasida lam semangat mangulahon tugas ni nasida! Jadi torus ma hita berupaya mangalehon pujian tu akka donganta, asa marlas ni roha nasida jala lebih semangat.

Donganta si Kayode mandok, “Dang porlu ikkon sempurna hita asa boi denggan kerja sama dohot na asing, alai boi do hita berupaya mambahen nasida nyaman jala marlas ni roha karejo rap dohot hita.” Menurut hamu, nga gabe dongan sakarejo na denggan be hamu? Boi do disukkun hamu tu akka dongan na asing na rap karejo dohot hamu. Molo las do roha ni nasida karejo dohot hamu, songon na dihilala sisean ni Jesus tikki rap karejo dohot Jesus, boi ma hamu didok ‘dongan sakarejo na mambahen las roha’.​—2 Kor. 1:24.