Nungnga taparsiajari be sude Joujou Paboahon terbitan 2022. Saonari taalusi ma akka sukkun-sukkun on:

Aha do manfaatna molo talean tikkitta martangiang, marsiajar Bibel, dohot mangarimangi i?

Gabe lam denggan ma hita mambahen keputusan, lam malo hita mangajari, lam togu ma haporseaotta, jala lam tamba ma holongta tu Jahowa.​—w22.01, hlm. 30-31.

Aha do manfaatna molo tapatogu haporseaotta tu Jahowa dohot tu akka bawa na martanggung jawab di organisasi?

Saonari ma tikkina tapatogu haporseaotta tu Jahowa. Unang ma sukkun-sukkun rohatta tu keputusan dohot petunjuk na dilehon akka sintua. Hasilna, molo ro annon hasusaan bolon gabe ummura ma hita mangihutton petunjuk, nang pe petunjuk i hira na so masuk akkal tahilala.​—w22.02, hlm. 4-6.

Aha do lapatanna tikki didok suru-suruan tu si Sakaria na “idaon ni nasida ma si Serubabel maniop batu lot”? (Sak. 4:8-10)

Parnidaan on paposson roha ni halak Jahudi na lao sae do bagas joro i dipajongjong jala sesuai do i tu standar ni Debata.​—w22.03, hlm. 16-17.

Songon dia do hita boi “gabe sitiruon . . . di pakkataion”? (1 Tim. 4:12)

Burju jala lambok ma hita makkatai tikki marbarita na uli, marende ma sian roha, jala taratur mangalehon komentar. Tajaga ma pakkataionta asa boi patoguhon na asing jala jujur ma hita, tapasiding ma sude “hata na mangaleai”.​—w22.04, hlm. 6-9.

Boasa didok sarupa do ciri-ciri ni opat binatang buas (harajaon) na dipaboa di Daniel bindu 7 tu sada binatang na dipaboa di Pangungkapon 13:1, 2?

Binatang na dipaboa di Pangungkapon 13 manggombarhon sude kuasa dunia na hea mamaretta, dang holan paboahon sada harajaon songon Rom.​—w22.05, hlm. 9.

Songon dia do carana patuduhon na pos do rohatta tu keadilan ni Debata?

Molo adong halak na mambahen haccit rohatta jala mardosa tu hita, berupaya ma hita asa unang torus muruk jala kesal. Tapasahat ma i tu Jahowa jala pos ma rohatta na lao salpuhonon ni Jahowa do sude akibat na tahilala alani dosa.​—w22.06, hlm. 10-11.

Aha do na porlu diingot donganta bawa molo dipangido ibana martangiang di parpunguan?

Unang ma dipakke ibana kesempatan i lao pasingotton manang paboahon pengumuman. Unang ma paganjanghu tangiangna, khususna di tangiang pamukka. (Mat. 6:7)​—w22.07, hlm. 24-25.

Aha do maksudna “akka na mangulahon na jahat hehe lao diuhumi”? (Joh. 5:29)

Maksudna dang diuhumi nasida sesuai tu parniulaon ni nasida sebelum mate, alai berdasarkan sikap dohot parniulaon ni nasida dung dipahehe.​—w22.09, hlm. 18.

Aha do na dipaboa donganta si J. F. Rutherford di jamitana tikki kebaktian bulan September 1922?

Di kebaktian na dibahen di Cedar Point, Ohio, Amerika Serikat, didok ibana ma, “Ida ma, nungnga mamaretta Raja i. Hamu ma na ditugasson lao paboahon i. Jadi, baritahon, baritahon, baritahon ma Raja dohot Harajaonna!”​—w22.10, hlm. 3-5.

Di Jesaya bindu 30 dipaboa do tolu cara ni Debata mangurupi hita martahan tikki masa sitaonon, aha ma i?

Di bindu i dipaboa do molo Debata (1) manangihon jala mangalusi tangiangta, (2) paradehon petunjuk tu hita, jala (3) mangalehon pasu-pasu tu hita saonari dohot di ari na naeng ro.​—w22.11, hlm. 9.

Sian dia taboto nungnga digenapi najolo Psalmen 37:10, 11, 29 jala lao digenapi do i muse di ari na naeng ro?

Hata ni si Daud on paboahon taringot pasu-pasu na dijalo halak Israel, contohna tikki mamaretta Raja Salomo. Dikutip Jesus do muse ayat 11 lao paboahon na lao masa i muse di ari na naeng ro. (Mat. 5:5; Luk. 23:43)​—w22.12, hlm. 8-10, 14.